खोज

बर्दिया, ४ साउन ।

बर्दियाको ठाकुरबाबा नगरपालिकाले मानव–वन्यजन्तु द्वन्द्व न्यूनीकरणका लागि हात्ती छेकबार पर्खाल निर्माणलाई प्राथमिकता दिएको छ । हात्ती लगायत अन्य वन्यजन्तुले स्थानीयको बाली लगायत घरपालुवा जनावरहरुलाई क्षति पुर्याइरहेकोले छेकबार पर्खाललाई निर्माणमा प्राथामिकता दिएको हो । ठाकुरबाबा नगरपालिकाले हात्ती छेकबार पर्खाल निर्माण गरेर क्षति कम गर्न प्रयास भैइरहेको छ ।

वन्यजन्तु प्रभावित क्षेत्रमा हात्ती छेकबार पर्खाल नै प्रभावकारी देखिएको ठाकुरबाबा नगरपालिकाका नगर प्रमुख तिलकराम लम्सालले बताए । हात्ती छेकबार पर्खालले गर्दा वन्यजन्तु बस्तीतर्फ आउन नसकेकोले मानव र वन्यजन्तुबीचको द्वन्द्व हुने सम्भावनामा पनि कमि आएकोे नगर प्रमुखको अनुमान छ । छेकबारले गर्दा बाली लगायत मावन, घपालुवा जनावरहरुलाई समेत क्षति कम हुन्दै जाने उनले बताए । यो छेकबार विस्तारै वनजंगल भएको सबैतिर लगाउने कार्य हुने नगरप्रमुख लम्सालले बताए ।

ठाकुरबाबा नगरपालिकाकी उपप्रमुख विना कुमारी भट्टराईका अनुसार करिब ३२ किलोमिटर जंगलले पालिका घेरिएको छ । आर्थिक वर्ष ०८१÷८२ मा ठाकुरबाबा नगरपालिका वडा नं. १, ४ र ७ मा गरी २ हजार ३ सय ३१ मिटर हात्ती छेकबार पर्खाल निर्माण गरिएको र विभिन्न ठाउँमा गरी हालसम्म ११ किलोमिटर छेकबार पर्खाल निर्माण भइसकेको बताइन् । हामीले पालिकाको मानव वस्ती भएको सबै ठाउँहरुमा लगाउनु पर्ने छ जसबाट मानव र वन्यजन्तु विच द्वन्द्व कम हुँदै जाने छ ।

छेकबार पर्खाल लगाएपिछि वन्यजन्तुबाट हुने हानी नोक्सानी निकै कम भएको ठाकुरबाबा नगरपालिका वडा नम्वर ५ का स्थानीय खुशी राम थारुले बताए । पहिला छेकबार नहुदा हात्ती लगायत अन्य जंगली वन्यजन्तु सिधै गाउँ पस्ने गरेको हुन्थे तर छेकबार पर्खाल लगाएपछि पर्खाल सम्म आएपछि गाउँ पस्न जंगली वन्यजन्तुहरुलाई निकै गह्रो भएको देखिन्छ । पालिकाल सबै ठाँउमा छेकबार लगान निकै गह्रो हुन्छ जस कारण यस विषयमा संघ र प्रदेशले पनि यसबारे बजेट विनियोजित गर्न जरुरी रहेको स्थानीय थारुले बताए ।

ठाकुरबाबा नगरपालिकाका प्रमुख प्रशासकीय अधिकृत नारायण प्रसाद ढकालले आगामी आर्थिक वर्ष २०८२÷८३ का लागि करिब ७ करोड रुपैयाँ बराबरको स्रोत सुनिश्चित भइसकेकोले थप ५ किलोमिटर पर्खाल निर्माण गर्नको लागि हात्ति छेकबार कार्यलाई चरणबद्ध रूपमा अगाडि बढाउने रणनीति बनाइएको बताए ।

स्थानीय बासिन्दा र जनप्रतिनिधिहरूले पर्खाल प्रभावकारी भएको भन्दै थप विस्तारको माग गर्दै आइरहेका छन् । बस्तीमा हात्ती पसेर पटक–पटक क्षति पु¥याएपछि पर्खाल निर्माण थालिएको हो । हाल निर्माण गरिएको क्षेत्रहरूमा वन्यजन्तुबाट हुने क्षतिमा कमी आएकोे छ । ठाकुरबाबा नगरपालिकाले आर्थिक वर्ष २०८१÷८२ को वार्षिक समीक्षा तथा चालु आर्थिक वर्षको निति कार्यक्रममा आर्थिक वर्ष २०८१÷८२ मा पालिकाले निर्माण गरेका भौतिक संरचनाहरु सम्पादन गरेका कार्यहरुको गत आर्थिक वर्षमा गरेका कार्य, लागत बजेट तथा प्रगतीको विषयमा संचारकर्मीहरुलाई जानकारी गराउनुका साथै चालु आर्थिक वर्षको लागि पालिकाले तर्जुमा गरेका योजना एवम् नीति र कार्यक्रम सम्बन्धी छलफल गरिएको छ ।

ठाकुरबाबा नगरपालिकाले आयोजना गरेको समीक्षा कार्यक्रममा प्रमुख प्रशासकीय अधिकृत नारायण ढकालले सचारकर्मीहरुसँग प्रगति प्रतिवेदन प्रस्तुत गर्दै भौतिक, सामाजिक र संस्थागत क्षेत्रमा भएको उल्लेखनीय कामको बारेमा जानकारी दिए ।

आर्थिक वर्ष २०८१÷८२ मा प्रस्ताबित बजेट ८७ करोड ९० लाख ४० हजार रुपैयाँमा ७० करोड ५१ लाख १७ हजार खर्च भई ८०।२१ प्रतिशत प्रगति भएको छ । यस्तैगरी प्राप्त विवरण अनुसार ७८ करोड ६३ लाख ६३ हजार ७८ रुपैयाँको कुल बजेटमध्ये ७० करोड ५१ लाख १७ हजार ८९३ रुपैयाँ खर्च गरिएको हो । त्यस्तै, आन्तरिक आम्दानीतर्फबाट मात्र ९ करोड ९३ लाख रुपैयाँ भन्दा बढी संकलन गरिएको मुख प्रशासकीय अधिकृत नारायण प्रसाद ढकालले बताए ।