© २०२३
२८ मंसिर २०८२, आइतबार
२८ मंसिर २०८२, आइतबार
काठमाडौं, २ साउन।
त्रिकोणात्मक टी–२० अन्तर्राष्ट्रिय शृङ्खलाको तेस्रो खेल आज जिम्बाब्वे र न्युजिल्यान्डबीच हुँदैछ। नेपाली समयअनुसार खेल बेलुकी ४:४५ बजे जिम्बाब्वेको हरारे स्पोर्ट्स क्लबमा सुरु हुनेछ।
शृङ्खलाको पहिलो खेलमा न्युजिल्यान्डले दक्षिण अफ्रिकामाथि २१ रनको सानदार जित दर्ता गर्दै आत्मविश्वासपूर्ण सुरुआत गरेको थियो। उक्त खेलमा युवा ब्याट्सम्यान टिम रोबिन्सनले अविजित ७५ रनको उत्कृष्ट प्रदर्शन गरेका थिए भने बलिङतर्फ जेकब डफीले पनि उत्कृष्ट प्रदर्शन गर्दै ३ विकेट लिँदा मात्र २० रन खर्चिएका थिए।
अर्कोतर्फ, घरेलु टोली जिम्बाब्वे शृङ्खलाको पहिलो खेलमा दक्षिण अफ्रिकासँग पराजित हुँदै दबाबमा आएको छ। आजको खेलमा जिम्बाब्वेले घरेलु मैदानको फाइदा उठाउँदै पुनरागमन गर्ने लक्ष्य राखेको छ।
न्युजिल्यान्डले पहिलो खेलमा देखाएको संयोजनलाई निरन्तरता दिँदै आज पनि अघिल्लो टोलीलाई यथावत राख्ने सम्भावना छ। जितको लय कायम राख्दै शृङ्खलामा बलियो पकड जमाउने न्युजिल्यान्डको लक्ष्य रहेको छ।
दुवै टोलीका लागि महत्वपूर्ण मानिएको आजको खेल शृङ्खलाको समग्र समीकरणलाई पनि प्रभावित पार्ने अपेक्षा गरिएको छ।
© २०२३
सर्वाधिकार सुरक्षित
Design & Developed By:
