खोज

पाल्पा, ०२ साउन ।

गत आर्थिक वर्षका लागि सङ्घीय, प्रदेश सरकारबाट विकास र निर्माणका लागि प्राप्त बजेटको वित्तीय प्रगति ८५ प्रतिशत भएको छ । सङ्घीय सरकार बाट चालुतर्फ ७ अर्ब ३३ करोड ५८ लाख ६१ हजार १ सय ९९ र पुँजीगत तर्फ ३ अर्ब ९५ करोड २६ लाख ६८ हजार प्राप्त भएकोमा, चालु तर्फ ६ अर्ब ६३ करोड ४०लाख ८१ हजार ७ सय ८ रुपैयाँ गरी ११ अर्ब १८ करोड ८५ लाख २९ हजार १ सय रुपैयाँ विनियोजित गरिएको थियो ।

कोष तथा लेखा नियन्त्रण कार्यालयका अनुसार चालुतर्फ ६ अर्ब ६३ करोड ७४ हजार ३ सय ७७ रुपैयाँ २७ पैसा, पुँजी तर्फ ३ अर्ब ४९ करोड ९६ लाख ९२ हजार ३ सय २१ गरी १० अर्ब १३ करोड ३७ लाख, ७४ हजार ३० रुपैयाँ २७ पैसा खर्च भएको थियो । यस रकम बाट उत्तर दक्षिण काली गण्डकी कोरिडोरले ९३. ५२ प्रतिशत र सडक डिभिजन कार्यालयले ८२.९४ प्रतिशत वित्तीय प्रगति हासिल गरेका छन् ।

कोष तथा लेखा नियन्त्रण कार्यालयका प्रमुख शशिन्द्र खातीका अनुसार प्रदेश सरकार बाट चालु तर्फ ८१ करोड ८५ लाख ५९ हजार विनियोजित रकमबाट ६१ करोड ८५ लाख १२ हजार २ सय ६८ रुपैयाँ ३ पैसा खर्च भएको थियो भने पुँजीगततर्फ १ अर्ब ५० करोड ३६ लाख ८७ हजार ६ सय ५७ रुपैयाँबाट १ अर्ब १८ करोड ७६ लाख ३७ हजार ५ सय २२ रुपैयाँ ४६ पैसा खर्च भएको थियो ।