बाँके, १ साउन ।
नेपालगन्ज भन्सार कार्यालयले गत आर्थिक वर्ष २०८१/०८२ मा लक्ष्य धन्दा कम राजश्व सङ्कलन गरेको छ । नेपालगन्ज भन्सार कार्यालयका प्रमुख भन्सार अधिकृत जनार्दन पौडेलले गत आर्थिक बर्षमा २० अर्ब २८ करोड ५१ लाख ८१ हजार रुपैयाँ राजश्व सङ्कलन भएको बताए ।
गत आर्थिक वर्षमा सङ्कलन भएको राजश्व आर्थिक वर्ष २०८०/०८१ भन्दा दुई अर्ब बढी भएको भन्सार कार्यालयले जनाएको छ । भन्सार कार्यालयका प्रमुख पौडेलले बताए, उनले भने ‘समग्रतामा लक्ष्य पूरा नभए पनि एक वर्ष पहिलेको तुलनामा राजश्व सङ्कलनको वृद्धिदर बढी भएको छ । ’
आर्थिक वर्ष २०८०/०८१ मा १८ अर्व १५ करोड ७२ लाख ३३ हजार रुपैयाँ मात्रै राजश्व सङ्कलन भएको थियो । आर्थिक वर्ष २०८०/०८१ भन्दा २०८१/०८२ मा दुई अर्ब १२ करोड रुपैयाँ बढी राजश्व सङ्कलन भएको छ । गत आर्थिक वर्ष २०८१/८२ मा २७ अर्ब १८ करोड ३५ लाख ८९ हजार रुपैयाँ राजश्व सङ्कलनको लक्ष्य तोकिएकोमा प्रारम्भिक विवरण अनुसार ७४.६३ प्रतिशत राजश्व सङ्कलन भएको कार्यालय प्रमुख शर्माले बताए ।
नेपालगन्ज भन्सार कार्यालयमा सङ्कलन हुने राजश्वको करिब ५० प्रतिशत रकम पेट्रोलियम पदार्थको आयातबाट मात्रै हुने गरेको छ । नेपालगन्जमा एकीकृत जाँच चौकी सञ्चालनमा आएपछि लागत बढेको भन्दै केही मालवाहक ट्रक लगायतका सवारी साधनहरूले नाका परिवर्तन गरेपछि राजश्व सङ्कलन लक्ष्य अनुसार सङ्कलन हुन नसकेको लगायतका विभिन्न कारणले राजश्व लक्ष्य अनुसार सङ्कलन हुन नसकेको प्रमुख शर्माले बताए ।
नेपालगन्ज भन्सार कार्यालयबाट चामल मात्र ६ अर्ब बढीको आयत भएको छ भने, इन्धन, खाद्यान्न, फलाम लगायतका वस्तुको आयातबाट बढी राजश्व सङ्कलन हुने गरेको भन्सार कार्यालयको तथ्याङ्क रहेको छ । नेपालगन्ज नाकाबाट जडीबुटी लगायतका सामाग्रीको निकासी समेत हुने गरेको छ ।
४ पुष २०८२, शुक्रबार
