खोज

लमही, ०१ साउन । 

गढवा गाउँपालिकाले आर्थिक वर्ष २०८१/८२ को असार मसान्तसम्मका कार्यसम्पादन, बजेट लगानी र खर्चको विवरण सार्वजनिक गर्दै बुधवार सार्वजनिक सुनुवाइ सम्पन्न गरेको छ । आविष्कार मिडिया प्रालिको सहजीकरणमा सम्पन्न कार्यक्रममा जनप्रतिनिधि, कर्मचारी र सेवाग्राहीबीच प्रत्यक्ष संवाद भएको हो । कार्यक्रममा सहभागी अधिकांश नागरिकले पालिका र वडा कार्यालयहरूबाट प्रदान हुने सेवामा अझ प्रभावकारिता ल्याउन आग्रह गरे ।

सेवाग्राहीले विकास योजनाको भुक्तानी प्रक्रियामा झन्झट, कार्यालय समयमा जनप्रतिनिधि तथा कर्मचारीको अनुपस्थिति, अनुगमन अभावले सेवामा ढिलासुस्ती भएको गुनासो गर्दै सार्वजनिक सेवा प्रवाहमा सुधार गर्न माग गरे। निर्माण व्यवसायी चित्रबहादुर रावत, नागरिक समाज संयोजक खगेशवर शर्मा, चेतनशील महिला समाज अध्यक्ष सकुन्तला डिसी, पत्रकार दीपक चौधरी, शिक्षक कमला पौडेललगायत विभिन्न क्षेत्रका व्यक्तिहरूले पालिकाको कार्यसम्पादन, शिक्षा, स्वास्थ्य, पूर्वाधारलगायत विषयमा प्रश्न र जिज्ञासा राखेका थिए।

प्रमुख जबाफदेही वक्ताका रूपमा अध्यक्ष पोख्रेल, उपाध्यक्ष शारदा कुमारी चौधरी, प्रमुख प्रशासकीय अधिकृत कृष्णप्रसाद पौड्याल, शिक्षा शाखा प्रमुख श्याम चौधरी, कृषि प्रमुख कर्ताराम यादव, महिला तथा बालबालिका प्रमुख प्रेरणा चन्द, स्वास्थ्य प्रमुख कैलाशचन्द्र चौधरी, इन्जिनियर शेषमणि पौडेल लगायतले नागरिकका प्रश्नको जवाफ दिए ।

कार्यक्रममा निम्न विषयमा नागरिकबाट विशेष कालाकाटे–गढवा हुलाकी सडकको कालोपत्रे आँखा अस्पताल (कोइलाबास) को भवन मर्मत भुक्तानी प्रक्रियामा सरलता आधारभूत स्वास्थ्य केन्द्रमा प्रसूति सेवाबारेमा सेवाग्राहीले चासो राखेका थिए । त्यसै गरिशिक्षा क्षेत्रको गुणस्तर सुधार, शिक्षक दरबन्दी मिलानमा समन्वय, न्याय सम्पादन र विकास योजनाको प्रभावकारी अनुगमन गर्न माग राखे । अध्यक्ष पोख्रेलले सार्वजनिक सुनुवाइबाट प्राप्त सुझाव र गुनासोलाई यथासम्भव आगामी कार्य योजनामा समावेश गर्ने प्रतिबद्धता व्यक्त गर्दै पालिकालाई गुणस्तरीय, पारदर्शी र सुशासनयुक्त बनाउने दृढता जनाए ।