Butwal Today

चिनियाँ भूमिमा अलपत्र चालकहरू तातोपानी नाकाबाट ल्याइने

बुटवल टुडे
३२ असार २०८२, बुधबार
अ
अ+
अ-

काठमाडौँ ।

गृहमन्त्री रमेश लेखकले रसुवामा बाढीका कारण चिनियाँ भूमिमा अलपत्र परेका नेपाली चालकहरूलाई तातोपानी नाका हुँदै उद्धार गर्ने तयारी भइरहेको बताएका छन्। बुधबार धादिङ चालक संघले बुझाएको ज्ञापनपत्रमा मन्त्री लेखकले उक्त आश्वासन दिएका हुन्।

संघका अध्यक्ष नारायण पन्तका अनुसार, रसुवामा आएको बाढीका कारण १३५ जना चालक केही दिनदेखि चिनियाँ क्षेत्रमा अड्किएका छन् र उनीहरू घर फर्किन नपाउँदा परिवार चिन्तित बनेका छन्। चालकहरूको तत्काल उद्धारका लागि पहल गर्न अनुरोध गरिएको थियो।

गृहमन्त्री लेखकले परराष्ट्र मन्त्रालयसँग समन्वय गर्दै आवश्यक तयारी भइरहेको जानकारी दिएका छन्। उक्त भेटमा बागमती प्रदेशका सहकारी तथा गरिबी निवारण मन्त्री मधुकुमार श्रेष्ठ पनि सहभागी थिए।

असार २४ गतेको बाढीले रसुवामा ठूलो क्षति पुर्‍याएको थियो। नेपाल–चीन मितेरी पुल, विद्युत् आयोजना, भन्सार कार्यालय, यार्ड, दर्जनौं कन्टेनर र विद्युतीय सवारीसाधन (ईभी) बाढीले बगाएको थियो। चीनतर्फ गएका कन्टेनरहरू समेत चिनियाँ भूमिमै डुबानमा परेका थिए।

यो खबर पढेर तपाईलाई कस्तो महसुस भयो ?

प्रतिक्रिया दिनुहोस्

सम्बन्धित खबर

साढे ११ बजेसम्म रुपन्देहीमा ३० प्रतिशतले गरे मतदान

यस्तो छ मतदानको उत्साह [तस्वीरहरु]

रुपन्देही–२ मा काँग्रेस उम्मेद्वार चुन्नले बुटवल ४ बाट गरे मतदान

रूपन्देही–३ का स्वतन्त्र उम्मेदवार महेन्द्र यादव पक्राउ

यस्तो छ मतदानको तयारी [तस्वीरहरु]

निर्वाचनको दिन आवश्यकताअनुसार आन्तरिक हवाई उडान हुने

प्रतिनिधिसभा निर्वाचन: मतदानअघि जान्नैपर्ने मूख्य विषय

यी ११ अवस्थामा मत बदर हुन्छ, यसरी हुन्छ सही तरिकाले मतदान