दाङ,३१ असार।
दाङको प्रसिद्ध धार्मिक स्थल धारापानी जाने सडकमा बनेको पुलमा बाढीले क्षती पूराएको एक बर्ष बितिसक्दा पनि मर्मतकार्य हुन सकेको छैन ।
दाङको घोराही उपमहानगरपालिका -५ र ६ को सिमानामा रहेको बबई नदीमा बनेको पुलको किनारा गत बर्ष असारमा आएको बाढीले क्षती पूराएको छ। बाढीले पुलको किनारा भत्काउदा सडक साधुरो भएको छ । धारापानी मन्दिरमा साउन महिनाभर शिवपुरान तथा शृङ्गारिक महाआरती संचालनको तयारी गरिरहेको छ।
हजारौं भक्तजनको एकमात्र गन्तव्यको सडकको पुल जोखिममा रहेको छ । बाढीले पुलको किनारा भत्किएर जोखिम बढेको एक बर्ष भैसक्दा पनि मर्मतसंभार हुन सकेको छैन । पैदल यात्रु र सवारी चालकलाई समस्या परेको स्थानीय बताउँछन् । दाङबाट समानुपातिक सभासद मेनका पोखरेलले सदनमा बाढीले पुलमा क्षती भएको र तत्काल मर्मतसम्भारको कुरा राखेको पनि एक बर्ष भन्दा बढी समय हुँदा पनि कुनै सुनुवाइ भएको छैन। भत्केको पुलको किनारामा जोखिम मोलेर यात्रा गर्नुपरेको स्थानीय बताउँछन् ।
२२ मंसिर २०८२, सोमबार
