© २०२३
५ पुष २०८२, शनिबार
५ पुष २०८२, शनिबार
काठमाडौं ।
नेकपा माओवादी केन्द्रका अध्यक्ष तथा प्रमुख प्रतिपक्षी नेता पुष्पकमल दाहाल ‘प्रचण्ड’ले ठूला दलहरूको मिलेमत्तोमा संसदलाई विचौलियाको खेलमैदान बनाउने प्रयास भइरहेको आरोप लगाएका छन्। सोमबार प्रतिनिधिसभाको बैठकमा बोल्दै उनले संसद र संसदीय समितिमा भैरहेका गतिविधिप्रति गम्भीर असन्तुष्टि व्यक्त गरे।
उनका अनुसार विधेयकहरू समितिमा सर्वसम्मत पारित भए पनि प्रतिनिधिसभामा पुगेपछि चलखेल र हस्तक्षेपका कारण ती अघि बढ्न सकिरहेका छैनन्। यस्तो अवस्था जनताको विश्वासमा धोका भएको भन्दै उनले चर्को आलोचना गरे।
प्रचण्डले दुई ठूला दलहरूको आपसी समझदारी लोकतान्त्रिक प्रक्रियालाई कमजोर बनाउन प्रयोग गरिएको दाबी गर्दै यसलाई देश र जनताका लागि लज्जास्पद र खेदजनक भने। उनले लोकतन्त्र सुदृढ गर्न सुशासन, सामाजिक न्याय र आर्थिक समृद्धिको मार्गमा सरकार गम्भीर भएर लाग्नुपर्नेमा जोड दिए।
यदि अब पनि गम्भीर समीक्षा र कठोर निर्णयहरू गरिएनन् भने परिस्थिति विस्फोटक बन्न सक्ने चेतावनी दिँदै उनले संसदलाई राजनीतिक चलखेलको केन्द्र होइन, जनताको मञ्च बनाइराख्न आग्रह गरे।
© २०२३
सर्वाधिकार सुरक्षित
Design & Developed By:
