© २०२३
२७ मंसिर २०८२, शनिबार
२७ मंसिर २०८२, शनिबार
जाकार्ता, ३० असार ।
इन्डोनेसियाको उच्च अदालतले लागु औषध तस्करीको आरोपमा तीन भारतीय नागरिकलाई मृत्युदण्डको सजाय सुनाएको छ । यसरी मृत्यु दण्डको भागी हुने भारतीय नागरिकहरूमा राजु मुथुकुमारन, सेल्वादुराई दिनाकरण र गोविन्दसामी विमलकन्दन रहेका छन् ।
यो निर्णय गत २० जुन २०२५ मा दिइएको थियो, त्यसपछि भारतीय पक्षले यस विषयमा आपत्ति जनाउँदै सजाय रोक्नका लागि पहल गरिरहेको छ । इन्डोनेसियाका लागि भारतीय राजदूत सन्दीप चक्रवर्तीले एक आधिकारिक विज्ञप्तिमा भनेका छन्, ‘हामी इन्डोनेसियाको न्याय प्रणालीमा विश्वस्त छौँ, तर यस मामलामा प्रमाणहरू पूर्ण रूपमा अनुसन्धान गरिएको छैन, मृत्युदण्ड ‘रेरेस्ट’ मुद्दामा मात्रै दिनुपर्छ।’
इन्डोनेसियाको रियाउ टापु नजिकै १४ जुलाई २०२४ मा तीन जना भारतीयहरूलाई पक्राउ गरिएको थियो। तान्जुङ बलाई करीमुन जिल्ला अदालतले यसअघि उनलाई दोषी ठहर गर्दै मृत्युदण्डको सजाय सुनाएको थियो, जसलाई अहिले उच्च अदालतले पनि सदर गरेको हो ।
© २०२३
सर्वाधिकार सुरक्षित
Design & Developed By:
