खोज

सुर्खेत,२७ असार ।

कर्णाली प्रदेश सरकारले चालु आर्थिक वर्षमा झण्डै ६५ प्रतिशत बजेट खर्च गरेको छ । प्रदेश लेखा नियन्त्रक कार्यालय कर्णाली प्रदेशका अनुसार आर्थिक वर्ष २०८१/०८२ मा कुल बजेटको ६४.८२ प्रतिशत बजेट खर्च भएको छ । कार्यालयको तथ्यांक अनुसार हालसम्म चालुतर्फ ७५.५२ प्रतिशत र पूँजीगततर्फ ५८.६३ प्रतिशत खर्च भएको छ । प्रदेश सरकारले कुल बजेट ३१ अर्ब ३० करोड २१ लाख ८५ हजारमध्ये २० अर्ब ३० करोड ११ लाख ७१ हजार ७५७ रुपैयाँ २१ पैसा खर्च भएको छ ।
प्रदेश सरकारले रु ११ अर्ब १० लाख १३ हजार २४२ रुपैयाँ ७९ पैसा खर्च गर्न नसकेको प्रदेश लेखा नियन्त्रण कार्यालयले जनाएको छ ।

प्रदेशको सबै भन्दा बढी बजेट रहेको भौतिक पूर्वाधार तथा सहरी विकास मन्त्रालयले हालसम्म ५७.५१ प्र्रतिशत बजेट खर्च गरेको छ । मन्त्रालयको कुल बजेट १० अर्ब ४३ करोड ५८ लाख ९ हजार रुपैयाँ रहेकोमा हालसम्म ५ अर्ब ९९ करोड ८५ लाख ८७ हजार बजेट कार्यान्वन भएको हो । सामाजिक विकास मन्त्रालयको कुल बजेट ५ अर्ब ६९ करोड ५ लाख ३७ हजार कुल बजेट रहेकोमा ४ अर्ब ९ करोड ६५ लाख २१ हजार अर्थात ७१.९३ प्रतिशत कार्यान्वन भएको छ । प्रदेश सरकारले स्थानीय तहलाई पठाएको कुल रु ४ अर्ब ८३ करोड ३५ लाख ८१ हजार रुपैयाँ मध्य चार अर्ब ३८ करोड २१ लाख ९५ हजार रुपैयाँ अर्थात ९०.६६ प्रतिशत बजेट कार्यान्वन भएको छ ।

त्यस्तै जलस्रोत तथा उर्जा विकास मन्त्रालयले यस आर्थिक वर्षमा ७९.८४ प्रतिशत बजेट कार्यान्वन गरेको छ । मन्त्रालयको कुल बजेट २ अर्ब ८६ करोड ८४ लाख १६ हजार रुपैयाँ रहेकामा २ अर्ब २८ करोड १४ लाख ३३ हजार कार्यान्वयन गरेको छ ।
मुख्यमन्त्री तथा मन्त्रीपरिषद्को कार्यालयले चालु आर्थिक वर्षमा ५४.४३ प्रतिशत बजेट कार्यान्वन गरेको छ । कार्यालयको कुल बजेट ३३ करोड ५७ लाख ३२ हजार बिनियोज भएकोमा उक्त कार्यालयले १८ करोड २७ लाख ३२ हजार खर्च गरेको छ ।
त्यसैगरी आर्थिक मामिला तथा योजना मन्त्रालयको कुल बजेट १७ करोड ५३ लाख ५५ हजार रहेकोमा १३ करोड ९७ लाख ९३ हजार कार्यन्वन गरेको छ । यस मन्त्रालयले कुल बजेटको ७९.७२ प्रतिशत बजेट खर्च गरेको छ ।

उद्योग पर्यटन वन तथा वातारण मन्त्रालयको कुल बजेट १ अर्ब ९५ करोड १९ लाख ९८ हजार बजेट मध्य १ अर्ब ४१ करोड ७९ लाख ५७ हजार खर्च भएको छ । यस मन्त्रालयले कुल बजेटको ७२.६४ प्रतिशत बजेट कार्यान्वन गरेको छ । त्यस्तै भूमि व्यवस्था कृषि तथा सहकारी मन्त्रालयले ६९.३६ प्रतिशत बजेट खर्च गरेको छ । मन्त्रालयको १ अर्ब ८६ करोड ४२ लाख १६ हजार बजेट मध्य १ अर्ब २९ करोड ३० लाख १६ हजार रकम कार्यान्वन भएको छ । यस्तै आन्तरिक मामिला तथा कानुन मन्त्रालयले चालु आर्थिक वर्षमा ७१.५ प्रतिशत बजेट कार्यान्वन गरेको छ । मन्त्रालयको ३७ करोड ५६ लाख ८० हजार बजेट मध्य २६ करोड ६९ लाख ६७३ बजेट खर्च भएको हो ।