खोज

बुटवल, २८ असार । ग्रामीण विकास लघुवित्त वित्तीय संस्था लिमिटेडको दशौं वार्षिक साधारण सभा शनिबार बुटवलमा भौतिक तथा भर्चुअल माध्यमबाट सम्पन्न भएको छ । विशेष प्रस्तावको रुपमा ग्रामीण विकास लघुवित्त वित्तीय संस्था लिमिटेड र समाज लघुवित्त वित्तीय संस्था लिमिटेड एक आपसमा गाभ्ने/गाभिने (मर्जर) सम्बन्धी प्रस्तावलाई सर्वसम्मतिले पास गरेको सञ्चालक समितिका अध्यक्ष भरतराज कोइरालाले बताए ।

यसैगरि साधारण प्रस्तावको रुपमा सञ्चालक समितिको तर्फबाट अध्यक्षबाट पेश भएको आर्थिक वर्ष २०८०/८१ कोे संस्थाको वार्षिक प्रतिदेन, लेखापरीक्षकको प्रतिवेदन तथा लेखापरीक्षकको नियुक्ति गर्ने प्रस्तावलाई सर्वसम्मत पास गरेको छ । सञ्चालक समितिका अध्यक्ष भरतराज कोइरालाले आर्थिक वर्ष २०८०/८१ को वार्षिक प्रतिवेदन प्रस्तुत गर्दै संस्थाबाट देशका ५६ जिल्लाका १८९ शाखामार्फत ३६९ स्थानीय तहका २ लाख १६ हजार ८७५ सदस्यलाई लघुवित्त सेवा पु¥याएको जानकारी दिए । २०८१ असार मसान्तसम्म कुल कर्जा लगानी १२.२३ अर्ब रुपैयाँ र बचत ३.५४ अर्ब रुपैयाँ पुगेको बताए ।

कार्यक्रममा प्रमुख कार्यकारी अधिकृत श्याम कुमार कटुवालले सेयरधनीहरूको जिज्ञासामा जवाफ दिँदै ग्राहक हित संरक्षण तथा उचित प्रतिफल सुनिश्चित गर्न योजनाबद्ध ढंगले काम गरिने प्रतिबद्धता जनाए ।

शेयरधनी चन्द्र नारायण श्रेष्ठले गरिबी निवारणमा संस्थाको भूमिकालाई प्रशंसा गर्दै मितव्ययी व्यवस्थापन र लाभांश सुनिश्चिततामा जोड दिन सुझाव दिए । संस्थाका पूर्व अध्यक्ष माणिकरत्न शाक्यले संस्था सन्तोषजनक रूपमा अघि बढेको बताए ।