© २०२३
१९ मंसिर २०८२, शुक्रबार
१९ मंसिर २०८२, शुक्रबार
काठमाडौँ ।
नेपाली महिला यू-२० फुटबल टोलीले आज बंगलादेशको ढाकास्थित बसुन्धरा किंग्स एरिनामा भुटानविरुद्ध खेल्दै साफ यू-२० महिला च्याम्पियनसिपको आफ्नो यात्रा सुरु गर्नेछ। खेल साँझ पौने ७ बजे सुरु हुनेछ।
उद्घाटन दिनको पहिलो खेलमा आयोजक बंगलादेशले श्रीलंकासँग प्रतिस्पर्धा गर्नेछ। प्रतियोगिता डबल राउन्ड रोविन ढाँचामा सञ्चालन हुनेछ, जसअनुसार सहभागी टोलीहरूले एकअर्कासँग दुईपटक खेल्नेछन्। लिग चरणको सबै खेलपछि सर्वाधिक अंक जोड्ने टोलीलाई च्याम्पियन घोषणा गरिनेछ।
नेपालले दोस्रो खेल आइतबार बंगलादेशविरुद्ध खेल्नेछ भने त्यसपछि १५ र १७ जुलाईमा श्रीलंकासँग दुईपटक भिड्ने तालिका छ। नेपालले १९ जुलाईमा भुटानसँग दोस्रोपटक प्रतिस्पर्धा गर्नेछ र अन्तिम खेल २१ जुलाईमा आयोजक बंगलादेशविरुद्ध हुनेछ।
प्रतियोगिताका लागि नेपाली टोलीमा तीन गोलरक्षक, आठ डिफेन्डर, पाँच मिडफिल्डर र सात फरवार्डसहित २३ खेलाडी छन्। बिर्सना चौधरीले कप्तानी सम्हाल्ने टोलीमा युवा खेलाडीहरूको मिश्रण रहेको छ। टोलीले प्रतियोगितामा सशक्त प्रदर्शन गर्दै उपाधिको लक्ष्य लिएको छ।
© २०२३
सर्वाधिकार सुरक्षित
Design & Developed By:
