© २०२३
३ पुष २०८२, बिहीबार
३ पुष २०८२, बिहीबार
काठमाडौँ ।
नेपाल समाजवादी पार्टी (नयाँ शक्ति)का अध्यक्ष डा. बाबुराम भट्टराईले माओवादी आन्दोलन सफल भए पनि नेताहरूको विभाजनका कारण आन्दोलन कमजोर भएको टिप्पणी गरेका छन्। हाल विभिन्न धारमा छरिएका माओवादी घटकहरू फेरि एक ठाउँमा आउनुपर्ने धारणा पछिल्लो समय झनै बलियो रूपमा उठिरहेको उल्लेख गर्दै उनले त्यसलाई “पवित्र तर बालसुलभ सोच” भनेका छन्।
भट्टराईका अनुसार, यस्तो एकताको चाहना स्वाभाविक भए पनि यसबारे तथ्य र तर्कसहित गहिरो विश्लेषण आवश्यक छ। उनले माओवादी आन्दोलन सफल कि असफल? अब कसरी पुनर्गठित गर्ने? कहाँ कहाँ गल्ती भयो? भन्ने प्रश्नहरू उठाएका छन्।
उनले शान्तिप्रक्रिया आएपछि तत्कालीन माओवादी नेतृत्व विशेषतः प्रचण्डको ढुलमुले र अवसरवादी अडानका कारण थप उपलब्धिहरू गुमाएको तर्क गरेका छन्। विशेषगरी २०६४ सालको बालाजु भेलामा प्रचण्डले बोलेको “मुखमा संविधानसभा, मनमा सशस्त्र विद्रोह” भन्ने दोहोरो रणनीतिले पार्टीभित्र गहिरो विभाजन सिर्जना गरेको, जनतामा भ्रम छरेको र अन्ततः आन्दोलनलाई अपूरणीय क्षति पुगेको भट्टराईले उल्लेख गरेका छन्। उनको भनाइ अनुसार माओवादी आन्दोलनको पुनर्संरचना र मूल्यांकन अब गहिरो बहसको विषय हुनुपर्ने छ।
© २०२३
सर्वाधिकार सुरक्षित
Design & Developed By:
