खोज

बुटवल, २५ असार ।

बुटवलका मिलन लाम्टाङेको उपचारमा आर्थिक समस्या भएपछि बुटवल ११ देवीनगरमा रहेको जी ट्वान्टी फाइभ क्लवले आर्थिक सहयोग गरेको छ । बुटवल ३ गोलपार्कमा रहेको उनको घरमै पुगेर मिलनका आमाबुबालाई क्लवले चेक तथा नगद गरि ४८ हजार १ सय ६५ रुपैयाँ प्रदान गरेको हो । क्लबले बिरामी, दुःखमा परेका तथा सहयोगको खाँचो रहेकाहरूको मर्का र समस्यामा मल्हम लगाउने हेतुले क्लवका साथीहरूसँग रकम उठाएर आर्थिक सहयोग प्रदान गरेको अध्यक्ष जगदिश न्यौपानेले बताए ।

दुवै मिर्गौलाले काम गर्न छाडेपछि भक्तपुरको सहिद धर्मभक्त राष्ट्रिय मृगौला प्रत्यारोपण केन्द्रमा बिगत ६ महिनादेखि उनको उपचार भैरहेको छ ।तर उनको उपचारमा आर्थिक कारणले समस्या भएपछि परिवारले सहयोगका लागि सार्वजनिक अपिल समेत गरेको छ । ३० वर्षीय मिलनको जीवनरक्षाका लागि मिर्गौला प्रत्यारोपण गर्नुपर्ने भएपछि परिवारले आर्थिक सहयोगका लागि याचना गरेको आमा कल्पना लाम्टाङेले बताईन् ।  मिलनको उपचारका लागि आर्थिक सहयोग आवश्यक रहेकाले देश तथा विदेशमा रहनुभएका नेपालीहरूलाई सहयोगको लागि अपिल गरे ।  मिलनकी श्रीमती एक श्रीमती एक ३ वर्षका छोरा छन् । उनको उपचारमा करिब ३० लाख रुपैयाँ लाग्ने चिकित्सकले जनाएको बुबा केशर लाम्टाङेले बताईन् ।