खोज

बुटवल, २४ असार । लायन्स ईन्टरनेश्नल डिष्ट्रिक ३२५ पि, नेपाल वर्ष २०२५/२६ मा निर्वाचित पदाधिकारी तथा एसईई मा उत्कृष्ट नतिजा ल्याउने विधार्थीहरुलाई सम्मान कार्यक्रम गरेको छ । लायन्स क्लब अफ बुटवल तिलोत्तमा र तिलोत्तमा मायादेवीको संयुक्त आयोजनामा मंगलबार क्लबको सचिवालयमा नवनिर्वाचित डिष्ट्रिक गभर्नर सहितको टिम तथा एसईई सम्मान कार्यक्रम गरेको हो ।

कार्यक्रमको उद्घाटन गर्दै लायन्स ईन्टरनेश्नल डिष्ट्रिक ३२५ पि, नेपाल वर्ष २०२५/२६ का गभर्नर बालाराम भट्टराईले अबको वर्षमा गर्ने कामहरुबारे प्रकाश पारे । वर्षभरि गर्ने कार्यक्रमको योजना अनुसार विधागत रुपमा अग्रसर हुन आग्रह गरे । ईन्टरनेश्नल, मल्टिपल, डिष्ट्रिकको निर्देशन अनुसार गतिविधि अघि बढ्ने उनले बताए । क्लबमा सदस्यता बढाउने अभियानलाई तिब्रता दिन उनले सुझाव दिए । ब्यक्तिगत विकाससंगै सामाजिक गतिविधिमा अग्रसर हुन क्लबको आवद्घता जरुरी रहने उनले बताए । पहिलो डिष्ट्रिकको रुपमा चिनाउन सबै क्लबहरु योजनाबद्ध रुपमा लाग्न उनले आग्रह गरे ।

कार्यक्रममा निवर्तमान पिडिजि पुरुषोत्तम प्रधानाङ, प्रथम भाईस डिष्ट्रिक गभर्नर सन्दिप कशौधन, सेकेण्ड भिडिजी मिना पन्थि, पिडिजि अर्जुनमान सैजुले आगामी कार्यदिशा, नेतृत्व विकास र समुदायसँगको सहकार्यबारे मन्तव्य राखे ।

कार्यक्रममा लायन्स क्लब अफ बुटवल तिलोत्तमाका अध्यक्ष चिरन्जिवी श्रेष्ठले लायन्स समुदायमा शिक्षा, स्वास्थ्य र सामाजिक उत्थानमा भूमिका खेल्दै आएको बताउदै आफनो कार्यकालमा विविध रचनात्मक कार्यहरु गर्ने बताए ।

कार्यक्रममा तिलोत्तमा मायादेवीको अध्यक्ष सीता श्रेष्ठ, सचिव सुमित्रा धिताल, कोषाध्यक्ष कबिता शाक्यले सहकार्यमा क्लबलाई अघि बढाउने बताए । कार्यक्रममा यसवर्ष एसईईमा उतिर्ण गरेका विभिन्न लायन्स सदस्यका छोराछोरीहरुलाई सम्मान गरिएको लायन्स क्लब अफ बुटवल तिलोत्तमाका सचिव काशिराज ज्ञवालीले बताए । जसमा अंशुलराज शर्मा, प्रमन उदय, समिक्षा श्रेष्ठ लगायत रहेका थिए ।