खोज

बाँके, २४ असार । 

६ महिना देखि नेपालगन्जका भेरी अस्पतालमा रेबिज विरुद्धको भ्याक्सिन नहुँदा बिरामीहरू निजी क्लिनिकबाट किनेर लगाउन बाध्य भएका छन् । अस्पतालमा रेबिज विरुद्ध खोप लगाउन खटिएका चिकित्सकले भ्याक्सिन सकिएकोले बहिराबाट ल्याए मात्र भ्याक्सिन लाग्ने सल्लाह दिएपछि बिरामीहरू निजी क्लिनिकबाट महँगो शुल्क तिरेर भ्याक्सिन लगाउन बाध्य भएका हुन ।

अस्पतालमा भ्याक्सिन निःशुल्क उपलब्ध हुने भ्याक्सिन नभएपछि बिरामीहरू बहिराको क्लिनिकबाट ७ सय ८५ रुपैयाँ  महँगो शुल्क तिरेर अस्पतालमा ५० रुपैयाँको पर्चा कटाएर करिब ३ घण्टाको लाइनमा बसेर भ्याक्सिन लगाउँदै गरेको खजुरा गाउँपालिका वडा नम्बर ५ का राजाराम गोडियाले बताए । उनले भने–‘ हामी जनता निःशुल्क मिल्छ भनेर आउने तर अस्पतालमा आउँदा ६ महिना देखि भ्याक्सिन सकिएको बताउँछन् र बहिराको क्लिनिकमा गएर ५० रुपैयाँ तिरेर पर्चा काट्न लगाएर भ्याक्सिन लगाउन भन्छन् ।

अस्पतालमा पहिलो दिन प्रति भ्याक्सिन ७ सय ८५ रुपैयाँ तिरेर ३ ओटा भ्याक्सिन पहिलो दिनको लगाए यो भ्याक्सिन ७ ओटा लगाउनु पर्छ त्यो सम्म आउँदा बर्खा लगाउन पैसा समेत यसैमा खर्च हुने बिरामी गोडियाले बताए । भेरी अस्पतालको १८ नम्बर वार्डमा दैनिक करिब सय बढी रेबिज विरुद्धको भ्याक्सिन लगाउने बिरामीको भिड रहेको पाइन्छ तर सबै बिरामीहरूलाई बहिराको क्लिनिकबाट भ्याक्सिन खरिद गरेर ल्याउन आग्रह गरिरहेका गोडियाले बताए ।

त्यस्तै डुडुवा गाउँपालिका वडा नम्बर ५ दलैपुरका रवि बुढाथोकीले अस्पताल आउँदा निःशुल्क मिल्छ भनेर यहाँ नहुँदा तर वडामा गएपछि मात्र निःशुल्क मिल्ने तर अस्पतालमा सकिसकेको बताए । रेबिज विरुद्ध खोप लगाउने वार्डमा जाने बित्तिकै ५० रुपैयाँको पर्चा काटेर बहिराको क्लिनिकबाट भ्याक्सिन खरिद गरेर ल्याउनुहोस अनि मात्र भ्याक्सिन लगाइन्छ । उनले भने–‘म जस्ता बिरामी सयौँ हुन्छन् धेरै जना भ्याक्सिन लगाएर फर्किसके समन्वय आर्थिक स्तर भएका मानिसहरूलाई धेरै गाह्रो समेत भएको देखिन्छ ।’ ७ ओटा भ्याक्सिन लगाउँदा सम्म ५५ सय बराबरको खर्च हुन आउँछ ।

ज्यालादारीमा काम गर्ने मानिसहरू काम छोडेर आफ्नो जानको मायाले दिनभरि लाइनमा बसेका हुन्छन् तर अन्तिममा बहिराको क्लिनिकमा किन्न लगाउने गरिन्छ । निःशुल्क भ्याक्सिन लगाउन पाइन्छ भनेर गाडी भाडा आटो भाडा तिरे अस्पताल आउँदा भ्याक्सिन नभएको जानकारी पाउँदा निकै दुख लागेको बिरामी बुढाथोकीले बताए । हामीले नेपालगन्ज उपमहानगरपालिकालाई खरिद गर्न अग्राह गरे पनि यो भ्याक्सिन निःशुल्क मिल्ने भएकोले नगरपालिकाले खरिद गर्दा नगरपालिकाको बेरुजु देखिने भएकोले नगरपालिकाले खरिद गर्न अस्वीकार गरेको मेसु डाक्टर सुवेदीले बताए ।

भ्याक्सिन सकिन लागेको छ भने प्रशासनमा एक साता पहिला जानकारी गराएको वार्डमा खटिएका डाक्टर कृष्ण बहादुर बुढाथोकीले बताए । स्टोरमा सकिन लागेपछि प्रशासन बिरामी र अस्पतालको मेसुलाई समेत जानकारी गाएको बुढाथोकीले बताए । यता रेबिज विरुद्धको भ्याक्सिन खरिद गर्ने सम्झौता स्वास्थ्य सेवा विभागले स्वीकृत नभएकोले समय समयमा अभाव भइरहेको भेरी अस्पतालका मेसु डाक्टर निराजन सुवेदीले बताए ।

रेबिज विरुद्धको भ्याक्सिन अस्पताल ल्याउनका लागि काठमाडौँ गएर स्वास्थ्य सेवा विभागमा चिठ्ठी समेत छोडेर आएको बताए । त्यहाँ मात्र नभएर बुटवल लगायत सम्बन्धित सबै ठाउँहरूमा लिखित पत्र पठाइसकेको छौ तर पनि कतै उपलब्ध नभएपछि हामी अस्पतालमा सूचना टाँसेरै बिरामीहरूलाई जानकारी गराउने र बहिराबाट खरिद गरेर भ्याक्सिन लगाउन अनुरोध गरिरहेको मेसु डाक्टर सुवेदीले बताए । अस्पताल प्रशासनको भ्याक्सिन ल्याउने क्रम जारी छ तर यो खरिद प्रक्रिया नभएकोले ल्याउन निकै कठिन भएको बताए ।