खोज

बुटवल, १९ असार । सीपमुलक तालिम दिएर महिला शसक्तिकरणमा योगदान दिदै आएको बुटवलको मोनालिसा ब्युटी होम एण्ड ट्रेडिङ सेन्टरले आफनो २२ औ वार्षिकोत्सव विविध रचनात्मक कार्यक्रम गरि मनाएको छ । विहिबार बुटवलमा आधारभुत र एडभान्स तालिम लिएका प्रशिक्षार्थीहरुलाई प्रमाणपत्र वितरण तथा एकआपसमा शुभकामना आदानप्रदान कार्यक्रम गरि दिवस मनाएको हो ।

कार्यक्रमको नेपाली कांग्रेस पार्टीका लुम्बिनी प्रदेश महामन्त्री सुरेन्द्र आचार्यले उद्घाटन गर्दै महिला सशक्तिकरणको महत्वपुर्ण पाटोका रुपमा संस्थाबाट योगदान दिएको बताए । महिलाहरु हरेक क्षेत्रमा अब्बल रहेको भन्ने स्थापित भएको भन्दै अवसर सृजना जरुरी रहेको बताए । संविधानमा सुनिश्चित गरिएको महिला प्रतिनिधित्वको कार्यान्वयन सुनिश्चित हुनुपर्नेमा जोड दिँदै निजी क्षेत्रबाट भइरहेको सीपमूलक तालिम कार्यक्रमहरूलाई राज्यबाट प्रोत्साहन गर्नुपर्ने उनले धारणा राखे । महिलाहरु आफ्नो क्षमता विकासमा जोड दिनुपर्ने सुझाव दिदै उनले सरकारबाट गरिनुपर्ने काम नीजि क्षेत्रबाट भैरहेको बताए ।

यस क्षेत्रमा दुई दशक बढी समयदेखी निरन्तर ब्युटिसियन पेशामा आवद्ध रहदै आउनुभएका उषाकिरण गुरुङ, रेनु श्रेष्ठ, जेनी श्रेष्ठ, रेनु कर्माचार्यलाई सम्मानपत्रबाट सम्मान गरिएको थियो । सामाजिक विकास डिभिजन कार्यालय सिद्घार्थनगरको सहयोग र दिपशिखा ब्युटिपार्लरको ब्यवस्थापनमा वैशाख १ गतेदेखि जेठ २३ गतेसम्म महिला शसक्तिकरण तथा आयआर्जन कार्यक्रम अन्तरगत एडभान्स ब्युटिसियन तालिम तथा मोनालिसा ब्युटिपार्लरको ब्यवस्थापनमा आधारभुत ४५ दिने तालिम संचालन गरिएको हो ।

एउटा दक्ष पेशाका रुपमा पहिचान बनाएको यो पेशाको शुरुवाती चरणमा देखिएका समस्यादेखि हालसम्मको अवस्थाबारे प्रकाश पार्दै सेन्टरका संचालक तथा मुख्य प्रशिक्षक शान्ति शर्माले यो अवधिमा आफुले २० हजार बढीलाई सीपमुलक तालिम दिएको बताईन । धेरै आफनो जिविका यसैबाट चलाएको समेत उनले बताईन । ‘ब्युटिसियन पेशामा नाम र दाम दुबै छ । उनले भनिन । यो पेशामा एकअर्कामा सहकार्य जरुरी रहने भन्दै उनले अभिभावकको सम्मान सबैभन्दा अगाडी राख्न समेत सुझाव दिईन ।

४५ दिने आधारभुत ३० जना र ३० दिने एडभान्स तालिममा २५ जना सहभागी रहेको प्रशिक्षक सरिता गिरिले बताईन । तालिममा प्रशिक्षक कविता पराजुली, दिपा थापाको सहजिकरण गरेको उनले बताईन ।

कार्यक्रममा नेपाली काग्रेस पार्टीका लुम्बिनी प्रदेश कोषाध्यक्ष प्रकाश राना, नेपाली काग्रेस पार्टीका लुम्बिनी प्रदेशका सदस्य बालकुमारी भण्डारी, रिता सेनले महिलाको सीप र आत्मनिर्भरतामा योगदान दिने योजनाको प्रतिवद्धता सरकारबाट आउनुपर्ने बताए ।