© २०२३
४ पुष २०८२, शुक्रबार
४ पुष २०८२, शुक्रबार
हेटौँडा, १९ असार ।
बागमती प्रदेश सभाको बैठक बिहीबार दिउँसो २ बजे बस्ने भएको छ। बिहान ११ बजेका लागि बोलाइएको बैठक सभामुख भुवनकुमार पाठकले सर्वदलीय बैठक बोलाएपछि सारिएको हो, जसको जानकारी सभा सचिव रामकुमार पौडेलले दिएका छन्।
प्रदेशसभा सचिवालयमा जारी बैठकमा सत्तारूढ दल नेपाली काँग्रेस, नेकपा एमाले, प्रमुख प्रतिपक्षी नेकपा माओवादी केन्द्र, राप्रपा, नेकपा (एकीकृत समाजवादी)का सांसदहरू सहभागी छन्।सभामुख पाठकले आगामी आर्थिक वर्ष २०८२/८३ को बजेटमाथि छलफल अघि बढाउन सर्वदलीय बैठक बोलाएको जनाए।
विपक्षी दलहरूले बजेटप्रति असन्तुष्टि जनाउँदै सदन अवरुद्ध गर्ने चेतावनी दिँदै आएका छन्। असार १२ र १६ गते बोलाइएको बैठकहरू सञ्चालन हुन नसकेपछि यस पटकको बैठक सारिएको हो। सरकारको नेतृत्व गर्ने नेपाली काँग्रेस भित्रै पनि बजेटको विषयमा विवाद उत्पन्न भएपछि सदन सञ्चालनमा चुनौती देखिएको छ।
© २०२३
सर्वाधिकार सुरक्षित
Design & Developed By:
