© २०२३
३ पुष २०८२, बिहीबार
३ पुष २०८२, बिहीबार
काठमाडौं ।
कर्णाली विकास बैंक घोटाला प्रकरणमा थप एकजना व्यक्ति पक्राउ परेका छन्। नेपाल प्रहरीको केन्द्रीय अनुसन्धान ब्युरो (सीआईबी)ले बैंकका पूर्व अध्यक्ष पशुपति दयाल मिश्रलाई नेपालगन्जबाट पक्राउ गरेको पुष्टि गरिएको छ। सीआईबीका एसएसपी होविन्द्र बोगटीले यसबारे जानकारी दिएका हुन्।
मिश्रले २०६६ देखि २०७५ सम्म कर्णाली विकास बैंकको अध्यक्षको रुपमा कार्यभार सम्हालेका थिए। यसअघि सीआईबीले सोही बैंकका अध्यक्ष राजेन्द्रवीर राय र प्रमुख कार्यकारी अधिकृतलाई पनि पक्राउ गरिसकेको छ। पक्राउ परेका आरोपीहरूलाई नेपालगन्जस्थित जिल्ला प्रहरी कार्यालयको हिरासतमा राखी अनुसन्धान भइरहेको छ।
पशुपति दयाल मिश्र २०७४ सालको प्रतिनिधिसभा निर्वाचनमा बाँकेको क्षेत्र नम्बर २ बाट उम्मेदवारका रुपमा प्रतिस्पर्धा गरेका थिए। उनी नेकपा (एमाले) का केन्द्रीय सदस्य समेत हुन्। यस घोटाला प्रकरणमा बैंकको नेतृत्व तहकै संलग्नता देखिन थालेपछि आर्थिक पारदर्शिता र बैंकिङ नियमनमाथि गम्भीर प्रश्न उठ्न थालेको छ। अनुसन्धान अघि बढेसँगै थप व्यक्तिहरू पनि संलग्न हुनसक्ने आशंका प्रहरीको छ।
© २०२३
सर्वाधिकार सुरक्षित
Design & Developed By:
