खोज

अर्घाखाँची, १७ असार ।

२२औं राष्ट्रिय धान दिवस तथा रोपाइँ महोत्सव–२०८२ भूमिकास्थान नगरपालिका कृषि विकास शाखाको आयोजनामा आइतबार वडा नम्बर २ ढाकावाङ्गको खाकाबेशीमा उत्साहपूर्वक सम्पन्न भएको छ ।  “धान बालीमा सघनता, खाद्य सुरक्षा र आत्मनिर्भरता” भन्ने मूल नाराका साथ आयोजित उक्त महोत्सवले कृषिमा आधारित स्थानीय अर्थतन्त्रको सशक्तीकरणमा आशा र भरोसा थपेको छ ।

कार्यक्रममा भूमिकास्थान नगरपालिकाका नगरप्रमुख झविलाल थापा, उपप्रमुख बालाकृष्ण बन्जाडे, वडा नं. ३ का वडाध्यक्ष कृष्णप्रसाद बन्जाडे, वडा नं. ६ का वडाध्यक्ष प्रेमनारायण बेलवासे, वडा नं. ९ का वडाध्यक्ष खेमराज चुदाली, नगर कार्यपालिका सदस्यहरू, वडा सदस्यहरू, कृषि शाखा प्रमुख रामबहादुर थापा, पालिकाका कर्मचारीहरू, कृषि प्राविधिकहरू तथा स्थानीय कृषकहरूको उल्लेखनीय उपस्थिति थियो । कार्यक्रमको सुरुवातदेखि नै बाजागाजामा धानको बिउ उखेल्दै परम्परागत भाकामा नाचगान गरियो। त्यसपछि, सहभागीहरूले हातमा धानको बिउ बोकेर परम्परागत शैलीमा सामूहिक रोपाइँ गरे।

नगरपालिकाले लिजमा लिएको खेतमा ‘हर्दिनाथ ६’ जातको धान रोपिएको कृषि शाखा प्रमुख रामबहादुर थापाले जानकारी दिए । कार्यक्रमपछिको समापन मन्तव्य दिँदै नगरप्रमुख झविलाल थापाले किसानहरू सँगै सामूहिक कार्य गर्दा श्रम संस्कृतिको विकास हुनुका साथै किसानहरूमा हौसला प्रदान हुने बताए ।नगर उपप्रमुख बालाकृष्ण बन्जाडेले कृषि उत्पादन वृद्धि गर्न र धान खेतीलाई प्रोत्साहन गर्न गुणस्तरीय प्रविधिको प्रयोग गर्ने,रासायनिक तथा प्राङगारिक मलको सन्तुलित प्रयोग गर्ने तथा उन्नत जातको बालीनालीको प्रयोग गर्न आवश्यक रहेको बताए ।

रोपाइँ सकिएपछि स्थानीय परम्परा अनुसार सहभागीहरूले दही चिउरा ग्रहण गरी दिवसको उल्लास थपेका थिए। बालबालिकादेखि वृद्ध वृद्धासम्मको सहभागिता, परम्परा र नवप्रविधिको समायोजन, र स्थानीय उत्पादनको उत्सवका रूपमा मनाइएको यस महोत्सवले कृषि र संस्कृति बिचको गहिरो सम्बन्ध झल्काएको थियो । यस अवसरले भूमिकास्थान नगरपालिकामा कृषि, पर्यटन प्रवर्द्धन, सहकारी खेतीको अभ्यास र स्थानीय उत्पादनमा जोड दिने योजनाहरूलाई थप ऊर्जा र प्रेरणा प्रदान गरेको सहभागीहरूले बताएका