काठमाडौं ।
प्रधानमन्त्री केपी शर्मा ओली संयुक्त राष्ट्रसङ्घअन्तर्गतको ‘विकासको लागि वित्त’ सम्बन्धी चौथो अन्तर्राष्ट्रिय सम्मेलनमा सहभागी भएका छन्।सो सम्मेलन सोमबार स्पेनमा सुरु भएको हो, जसको उद्घाटन सत्रमा प्रधानमन्त्री ओली नेपाली प्रतिनिधिमण्डलसहित सहभागी भएका छन्।सम्मेलनमा विकासशील राष्ट्रहरूका आर्थिक आवश्यकताका विषयमा अन्तरर्राष्ट्रिय सहकार्य, लगानी, ऋण प्रणाली, र वित्तीय न्यायमाथि छलफल हुने अपेक्षा गरिएको छ।
नेपालका तर्फबाट प्रधानमन्त्री ओलीको सहभागिताले अन्तर्राष्ट्रिय वित्तीय पहुँच, दिगो विकास लक्ष्यमा लगानी, र वैदेशिक सहयोगका अवसरहरू खोज्न मद्दत गर्ने विश्वास गरिएको छ। उक्त सम्मेलनमा संसारभरका नेताहरू, नीति निर्माताहरू, आर्थिक विशेषज्ञहरू, र विकास साझेदारहरूको व्यापक उपस्थिति रहेको छ।
