खोज

बुटवल, १५ असार ।

विद्यालय शिक्षा परीक्षा (एसइई) मा आफ्नो विद्यार्थीले उत्कृष्ट नतीजा ल्याएको खुसियालीमा बुटवल– १५ सेमलारस्थित सिद्धिविनायक सेकेन्डरी स्कुलले आइतबार ¥याली निकालेको छ । सिद्धिविनायक स्कुलबाट २०८१ सालको एसइईमा सहभागी भई स्वेता शर्माले जीपीए ४ हासिल गरेकी छन् । यो विद्यालयबाट एसइईमा जीपीए ४ ल्याउने स्वेता एक्ली छात्रा हुन् ।

उत्कृष्ट नतीजा हासिल गरेको भन्दै विद्यालयले स्वेतालाई गोल्ड मेडलबाट सम्मान गरेको छ । विद्यालयबाट ३० जनाले एसइई दिएकोमा २७ जना कक्षा ११ मा भर्ना हुन योग्य भएको प्राचार्य खुमानन्द वाग्लेले जानकारी दिए । विद्यालयबाट जीपए ४ सहित ७ जना ए प्लस, १४ जना ए, २ जना बि प्लस र एकजना बि ग्रेड ल्याई उत्तीर्ण भएका छन् । प्राचार्य वाग्लेले यो सफलताका लागि सम्पूर्ण शिक्षकको टिम, अभिभावक तथा विद्यार्थीहरुको लगनशीलता र मेहनतबाट मात्रै सम्भव भएको बताए ।

विद्यालयले स्वेतासँगै एसइईमा सफल सबै विद्यार्थी र उनीहरुका अभिभावकलाई पनि सम्मान गरेर खुसियाली ¥याली निकालेको हो ।

विद्यालय परिसरबाट बाजागाजासहित सुरु भएको खुसियाली ¥याली सेमलार बजार परिकर्मा गरी पुनः विद्यालयमै पुगेर टुंगिएको थियो । ¥यालीमा विद्यालयका शिक्षक, सञ्चालक, विद्यार्थी, अभिभावकसहित स्थानीयको पनि सहभागिता थियो ।

विद्यालय व्यवस्थापन समितिका अध्यक्ष अर्जुन खत्रीले शिक्षक, अभिभावक र विद्यार्थीको संयुक्त मेहनत र प्रयासले यो सफलता प्राप्त भएको बताए ।

विद्यालयका सञ्चालक कृष्णप्रसाद उपाध्यायले विद्यालयले शैक्षिक क्षेत्रमा फड्को मार्दै गएकाले थप पूर्वाधार विकास गरी शैक्षिक गुणस्तरमा थप वृद्धि गर्दै लगिने बताए । जीपए चार हासिल गर्न सफल स्वेताका बुबा टिकाराम शर्माले नर्सरीबाटै आफूले छोरीलाई यही विद्यालयमा भर्ना गरेको भन्दै विद्यालयको शैक्षिक वातावरण राम्रो रहेको आफूले पाएको बताए । शिक्षिका बिन्दु लम्सालले विद्यालयले प्राप्त गरेको सफलतालाई आगामी दिनमा पनि कायम राख्ने गरी अगाडि बढिने बताइन् ।

२०५६ सालमा स्थापना भएको यो विद्यालयमा हाल ५२० जना विद्यार्थी अध्ययनरत छन् । विद्यालयले यसअघि आफ्नो रजत जयन्ती समेत मनाइसकेको छ ।