© २०२३
६ पुष २०८२, आइतबार
६ पुष २०८२, आइतबार
काठमाडौं ।
सभामुख देवराज घिमिरेले राष्ट्रिय स्वतन्त्र पार्टी (रास्वपा) र राष्ट्रिय प्रजातन्त्र पार्टी (राप्रपा)लाई संसदीय प्रक्रियामा सक्रिय सहभागी हुन आग्रह गरेका छन्। नयाँ बानेश्वरस्थित सभामुखको कार्यकक्षमा आइतबार आयोजित प्रमुख पाँच राजनीतिक दलका प्रमुख सचेतकहरूसँगको छलफलका क्रममा सभामुख घिमिरेले सहमति र सहकार्यको माध्यमबाट संसदीय प्रक्रिया अघि बढाउन रास्वपा र राप्रपालाई सहभागी गराउन आग्रह गरेका हुन्।
सभामुखको सचिवालयका अनुसार उनले संघीयता र सार्वजनिक सेवासँग सम्बन्धित महत्वपूर्ण विधेयकहरूमा संसदका प्रमुख दलहरूको सहभागिता अपरिहार्य रहेको उल्लेख गर्दै भने, “महत्त्वपूर्ण विधेयकमा संसदका प्रमुख दलहरू छुट्नु राम्रो भएन।”
निजामति सेवा विधेयक, शिक्षा विधेयकजस्ता संघीय संरचनासँग जोडिएका विधेयकमाथि गहन छलफल र सबै पक्षको सहभागिता आवश्यक भएको सभामुखले स्पष्ट पारे। उक्त छलफल प्रतिनिधि सभाबाट आइतबारै पारित गर्ने तयारीमा रहेको निजामति सेवा विधेयकसँग पनि प्रत्यक्ष जोडिएको छ।
© २०२३
सर्वाधिकार सुरक्षित
Design & Developed By:
