© २०२३
४ पुष २०८२, शुक्रबार
४ पुष २०८२, शुक्रबार
काठमाडौं ।
नेकपा (एकीकृत समाजवादी)को सचिवालय बैठक आज पार्टी केन्द्रीय कार्यालय आलोकनगरमा बसिरहेको छ। पार्टी महासचिव घनश्याम भूसालका अनुसार बैठकमा मुख्य रूपमा पार्टीले सञ्चालन गर्न लागेको देशव्यापी अभियान र बाँकी रहेका जिल्ला अधिवेशनहरू सम्पन्न गर्ने विषयमा छलफल हुँदैछ।
बैठकको थप एउटा संवेदनशील पक्ष भनेको पार्टी अध्यक्ष माधवकुमार नेपालमाथि उठेको पतञ्जलि जग्गा प्रकरणसम्बन्धी विवाद हो। पार्टी स्रोतका अनुसार नेपालले सो मुद्दामा आफूमाथि लागेको आरोप र विशेष अदालतबाट ३५ लाख धरौटीमा रिहा भएको घटनाबारे सचिवालयमा ब्रिफिङ गर्ने तयारी गरेका छन्।
यस प्रकरणकै कारण कतिपय जिल्ला अधिवेशनहरूमा अध्यक्ष नेपाल प्रमुख अतिथिको रूपमा सहभागी हुने नहुने भन्ने विषयमा पार्टीभित्र मतभेद देखिएको छ। पार्टीभित्रै केही नेताहरूले अहिलेको संवेदनशील अवस्थामा अध्यक्ष नेपालले नेतृत्वबाट केही समय पछि हट्नुपर्ने भन्दै कार्यवाहक अध्यक्ष तोक्नुपर्ने प्रस्तावसमेत राखेका छन्। त्यस्तै, संसदीय दलको नयाँ नेता चयन गर्ने विषयमा पनि दबाब बढ्दै गएको छ।
© २०२३
सर्वाधिकार सुरक्षित
Design & Developed By:
