खोज

भैरहवा, १३ असार । सर्वोच्च अदालतले लुम्बिनी प्रदेश सरकारद्वारा भैरहवास्थित भिम अस्पताल विकास समितिको विघटन रोक्न अन्तरिम आदेश जारी गरेको छ । पूर्वअध्यक्ष डा. अनन्तकुमार शर्माले लुम्बिनी प्रदेशको मन्त्रीपरिषद् र मुख्यमन्त्री कार्यालयलाई विपक्षी बनाउँदै सर्वोच्च अदालतमा दायर गरेको रिटमा अन्तरिम आदेश जारी गरिएको हो ।

न्यायाधीश सुनिलकुमार पोखरेलको एकल इजलासले असार १६ गते आदेश जारी गर्दै, “अन्तरिम आदेश टुंगो नलागेसम्म भिम अस्पताल विकास समिति विघटन गर्ने निर्णय कार्यान्वयन नगर्नु,” भनेको छ ।

डा. शर्मा २०७८ वैशाख २१ गते भिम अस्पताल व्यवस्थापन समितिको अध्यक्षमा नियुक्त भएका थिए । तर लुम्बिनी प्रदेश सरकारले २०७८ वैशाख १६ गते विकास समिति विघटन गरी, जेठ ५ गते सत्ता गठबन्धन अन्तर्गत नेपाली कांग्रेसका कुलप्रसाद न्यौपानेलाई नयाँ अध्यक्षमा नियुक्त गरेको थियो ।

यस विषयमा अदालतले जेठ २६ गते अन्तरिम आदेशको बहसको मिति तोकेको थियो । तर सो मितिमा बहस नहुन पुगेपछि मुद्दा “हेर्दा हेर्दै”मा राखिएको थियो ।

यसबाहेक, सर्वोच्च अदालतले लुम्बिनी प्रदेशका सबै अस्पताल विकास समितिहरूको विघटन रोक्न पनि अन्तरिम आदेश दिएको छ । साथै असार १७ गते दुवै पक्षलाई छलफलका लागि अदालतमा उपस्थित हुन आदेश दिएको छ ।