© २०२३
२७ मंसिर २०८२, शनिबार
२७ मंसिर २०८२, शनिबार
काठमाडौं ।
यस वर्षको माध्यमिक शिक्षा परीक्षा (एसईई) मा १ लाख ६७ हजार ५९७ परीक्षार्थी फेल भएका छन्। राष्ट्रिय परीक्षा बोर्डले शुक्रबार साँझ सार्वजनिक गरेको नतिजाअनुसार, ४ लाख ३८ हजार ८९६ विद्यार्थीको नतिजा सार्वजनिक गरिएको हो।
सार्वजनिक नतिजामा २ लाख ७१ हजार २९९ जना मात्र उत्तीर्ण भएका छन्। बाँकी विद्यार्थीहरूले न्यूनतम ग्रेड प्राप्त गर्न नसकेका कारण नन ग्रेड भएका हुन्। बोर्डका अनुसार, उत्तीर्ण दर ६१.८१ प्रतिशत रहेको छ, जुन अघिल्ला वर्षहरूसँग तुलनात्मक रूपमा औसत दर मानिन्छ।
नन ग्रेड भएका विद्यार्थीहरूका लागि साउन २९ गतेदेखि मौका परीक्षा संचालन हुने जानकारी बोर्डले यसअघि नै सार्वजनिक गरिसकेको छ। परीक्षामा फेल भएका विद्यार्थीहरूलाई पुनः अवसर दिन उद्देश्यले यस्तो व्यवस्था गरिएको हो।
यस पटकको एसईईमा सहभागिता र नतिजाको अवस्था शिक्षा प्रणालीको गुणस्तर र प्रभावकारितामाथि फेरि बहस उठ्न थालेको संकेत पनि देखिएको छ।
© २०२३
सर्वाधिकार सुरक्षित
Design & Developed By:
