© २०२३
७ पुष २०८२, सोमबार
७ पुष २०८२, सोमबार
चितवन।
नेपाली कांग्रेसका सभापति शेरबहादुर देउवाले सत्तारुढ गठबन्धनभित्र देखिएको कांग्रेस र एमालेबीचको असमझदारीलाई सामान्य र स्वाभाविक भन्दै त्यस्तो अवस्थाबाट सरकारको काम प्रभावित नहुने स्पष्ट पारेका छन्।
भरतपुर विमानस्थलमा सञ्चारकर्मीहरूसँग कुरा गर्दै देउवाले कांग्रेस र एमाले फरक विचार र नीतिका दल भएको हुँदा विभिन्न विषयमा असहमति देखिनु स्वाभाविक रहेको टिप्पणी गरे।
“कांग्रेस र एमाले फरक दल हुन्, कहिलेकाहीँ असमझदारी देखिन्छ, त्यो सामान्य हो नि,” देउवाले भने। उनको भनाइमा, यस्ता फरक दृष्टिकोण हुँदाहुँदै पनि सरकार आपसी सहमतिअनुसार नै अघि बढिरहेको छ। उनले सरकारका निर्णयहरूमा सबै दलहरूको बुझाइ एउटै नहुन सक्ने तर त्यसले सरकारको गति रोक्ने अवस्था भने नरहेको दाबी गरे।
यसअघि केही नीतिगत र नियुक्तिसम्बन्धी विषयमा एमाले र कांग्रेसबीच मतभेद देखिँदै आएको थियो। देउवाको यो टिप्पणीले ती मतभेदहरूलाई औपचारिक रूपमा सहज रूपमा लिइएको संकेत दिएको देखिन्छ।
© २०२३
सर्वाधिकार सुरक्षित
Design & Developed By:
