© २०२३
६ पुष २०८२, आइतबार
६ पुष २०८२, आइतबार
काठमाडौँ ।
जल तथा मौसम विज्ञान विभागअन्तर्गतको बाढी पूर्वानुमान महाशाखाले असार १२ गते बिहीबार देशभरका ठूला नदीहरूमा बाढीको सम्भावना रहेको भन्दै सतर्कता अपनाउन आग्रह गरेको छ। बागमती, कोसी, नारायणी, कर्णाली, महाकाली लगायतका नदी तथा तिनीहरूका सहायक नदीहरूमा जलसतह बढ्ने सम्भावना देखिएको महाशाखाले जनाएको छ।
महाशाखाको बुलेटिनअनुसार, हाल नदीहरूको सतह सतर्कता तहभन्दा तल भए पनि तीन दिनसम्म तीव्र वर्षाका कारण जलसतहमा उल्लेख्य वृद्धि हुन सक्ने भएकाले तटीय क्षेत्रमा उच्च सतर्कता आवश्यक भएको उल्लेख गरिएको छ।
विशेषगरी मकवानपुर, काभ्रेपलाञ्चोक, काठमाडौँ, ललितपुर, भक्तपुरलगायतका जिल्लामा साना नदीहरूको बहाव अचानक बढ्न सक्ने सम्भावना रहेकोले आकस्मिक बाढीको मध्यम जोखिम रहेको चेतावनी दिइएको छ। महाशाखाले यी क्षेत्रका नदी किनारमा बसोबास गर्ने स्थानीयवासी, सरोकारवाला निकाय र सम्बन्धित संस्थाहरूलाई सतर्क रहन अनुरोध गरेको छ।
© २०२३
सर्वाधिकार सुरक्षित
Design & Developed By:
