खोज

दाङ, ११ असार ।

दाङको घोराही उपमहानगरपालिकाले आगामी आर्थिक वर्ष २०८२÷८३ का लागि शिक्षा, स्वास्थ्य, रोजगारी र कृृषिलाई प्राथमिकता दिइएको छ । आर्थिक वर्ष २०८२÷०८३ का लागि २ अर्ब २९ करोड २७ लाख विनियोजन गरिएको छ । कुल बिनियोजित रकम मध्ये संघ सरकारबाट प्राप्त हुने सशर्त अनुदान ८३ करोड ३४ लाख मध्ये १० करोड ८३ लाख अर्थात १२.९९ प्रतिशत पुँजिगत खर्च र ७२ करोड ५१ लाख अर्थात ८७.०१ प्रतिशत चालु खर्च रहेको छ ।

प्रदेश सरकारबाट प्राप्त हुने सशर्त अनुदान ३ करोड ९२ लाख ८ हजारमध्ये ३ करोड ८७ लाख अर्थात ९८.७० प्रतिशत पुँजिगत खर्च ५ लाख ८ हजार अर्थात १.३० प्रतिशत चालु खर्च रहेको छ । संघ तथा प्रदेश सरकारबाट प्राप्त वित्तीय समानीकरण अनुदान, राजश्व बाँडफाँड र रोयल्टी तथा उपमहानगरपालिकाको आन्तरिक आय घर जग्गा रजिष्ट्रेशन, बैंक मौज्दातबाट विनियोजन गरिएको बजेट १ अर्ब ४२ करोड ९२ हजार मध्ये ५६ करोड १९ लाख ८७ हजार अर्थात ३९.५७ प्रतिशत चालु खर्च र रू ८५ करोड ८१ लाख ५ हजार अर्थात ६०.४३ प्रतिशत पुँजिगत खर्च रहेको उपप्रमुख हुमा डिसीले प्रस्तुत गरेको बजेटमा उल्लेख गरिएको छ ।

वजेटमा कृषि उत्पादन तथा उत्पादकत्व अभिवृद्धि हुने, सामुदायिक विद्यालयका भौतिक अवस्थामा सुधार हुने, शैक्षिक गुणस्तर अभिवृद्धि हुने, नगरवासीको आधारभूत स्वास्थ्य सेवा प्राप्त गर्ने अधिकार सुनिश्चित हुने, उद्ममशिलताको विकासबाट रोजगारीको अवसर सृजना भई नागरिकको आर्थिक सामाजिक जीवत स्तरमा सुधार हुने, सडक पूर्वाधारमा नागरिकको पहुँच अभिवृद्धि तथा दिगोपना कायम हुने,नगरमा उपलब्ध स्रोत साधनको अत्यूत्तम उपयोगबाट सबै क्षेत्रको दिगो एवं सन्तुलित विकास भई आर्थिक प्रगतिमा टेवा पुग्ने, सार्वजनिक सेवाको प्रभावकारिता, जवाफदेहिता अभिवृद्धि हुने र सामाजिक विकासको मुलप्रवाह भन्दा बाहिर रहेका वर्ग, क्षेत्र, समुदायको विकासमा पहुँच भई अपनत्वको प्रवद्र्धन मार्फत स्थानीय शासन मजबुत हुने विश्वास लिएको छ ।

घोराहीमा स्थायी बसोबास भएका सामुदायिक विद्यालयवाट एसईईको परीक्षामा उत्कृष्ट अंक प्राप्त गरेका एक जना छात्र तथा एक जना छात्रा लाई डाक्टर र इन्जिनियर पढ्न छात्रवृत्तिको लागि रु१६ लाख विनियोजन गरिएको छ ।

त्यसैगसरी तुलसीपुर उपमहानगरपालिकाको आर्थिक वर्ष २०८२÷०८३ को बजेटमा कृषि, स्वास्थ्य, शिक्षा र रोजगारीका विषयलाई प्राथमिकता दिइएको छ । उपमहानगरपालिकाका उपप्रमुख स्यानी चौधरीले आर्थिक वर्ष २०८२÷८३ का लागि दुई अर्ब ६ करोड ६६ लाख ९३ हजार अनुमानित बजेट प्रस्तुत गरेकी छन् । उपप्रमुख चौधरीले समृद्व तुलसीपुर सबैका लागि सधँैका लागि नाराका साथ तय गरिएको २५ वर्षे दीर्घकालीन रणनीति तथा आवधिक योजना निर्माणको कार्यान्वयनअनुरुप बजेट विनियोजन गरिएको बताइन् ।

चालुतर्फ कुल बजेटको ६५.०८ प्रतिशत अर्थात् एक अर्ब ३४ करोड ५१ लाख विनियोजन गरिएको छ, भने पूजीगततर्फ कुल बजेटको ३२.९० अर्थात् ६७ करोड ९९ लाख ९३ हजार आठ सय ५५ रुपिया विनियोजन गरिएको छ । उपप्रमुख स्यानी चौधरीले शिक्षा,युवा तथा खेलकुदतर्फ ६० करोड २८ लाख, कृषितर्फ एक करोड ४५ लाख, पशुपक्षी विकासतर्फ एक करोड १५ लाख, भूमिहीन दलित, भूमिहीन सुकुम्बासी अव्यवस्थित बसोबासीको लगत संकलन, लालपूर्जा वितरणका लागि एक करोड बजेट विनियोजन गरेकी छन् । त्यस्तै विपद् व्यवस्थापनतर्फ एक करोड, सरसफाई तथा फोहोरमैला व्यवस्थापनतर्फ ७६ लाख, पालिकाले सञ्चालनमा ल्याएको मेट्रो कलेज तथा बहुप्राविधिक शिक्षालयका लागि एक करोड विनियोजन गरिएको छ ।