© २०२३
२० मंसिर २०८२, शनिबार
२० मंसिर २०८२, शनिबार
काठमाडौँ ।
बैंक तथा वित्तीय संस्थाहरूले राष्ट्र बैंकमा राख्ने निक्षेप रकम बढाउन थालेका छन्। तरलता व्यवस्थापनमा चुनौती सामना गरिरहेका बैंकहरूले २.९९ प्रतिशत ब्याजदरमा पनि निक्षेप राख्न बाध्य भएका छन्।
यसअघि राष्ट्र बैंकले २१ दिने निक्षेप संकलन गर्ने प्रथा अगाडि बढाएको थियो, तर तरलता व्यवस्थापनमा सुधार नआएपछि अब क्रमशः ४२ दिने र ६३ दिने निक्षेप संकलन गर्ने नयाँ मौद्रिक उपकरणहरू लागू गरिरहेको छ।
बुधबार राष्ट्र बैंकले ६३ दिने निक्षेप संकलन गर्ने तयारी गरिरहेको छ। बैंकहरूले कर्जा प्रवाह गर्न नसकेको रकम यस्ता लामो अवधिका मौद्रिक उपकरणमा थोरै ब्याजदरमा लगानी बढाउँदा राष्ट्र बैंकले निक्षेप संकलनलाई थप प्रभावकारी बनाउने प्रयास गरेको देखिन्छ।
हाल, बुधबार राष्ट्र बैंकले ६३ दिनका लागि ५० अर्ब रुपैयाँ निक्षेप संकलन गर्नेछ। यसअघि असार ८ गते ४२ दिने निक्षेपमा १२ वटा बैंक तथा वित्तीय संस्थाहरूले ५६ अर्ब २० करोड रुपैयाँ २.९९ प्रतिशत ब्याजदरमा राखेका थिए।
त्यसैगरी, राष्ट्र बैंकले बैंक तथा वित्तीय संस्थाबाट ४० अर्ब रुपैयाँको निक्षेप फुकुवा गर्ने तयारीमा रहेको हुँदा पुनः ५० अर्ब रुपैयाँ संकलन गर्न लागेको हो।
© २०२३
सर्वाधिकार सुरक्षित
Design & Developed By:
