© २०२३
१ पुष २०८२, मंगलवार
१ पुष २०८२, मंगलवार
काठमाडौं ।
गृहमन्त्री रमेश लेखकले नेपाल नागरिकता विधेयक असार १४ गते प्रतिनिधि सभाबाट पारित हुने विश्वास व्यक्त गरेका छन्।बुधबार सिंहदरबारमा भएको राज्य व्यवस्था तथा सुशासन समितिको बैठकमा उनले छिटो विधेयक पारित गर्नुपर्ने र ढिला नगर्नुपर्ने बताए।
उनले भने, “मैले पाएको जानकारी अनुसार १४ गतेसम्म विधेयक प्रतिनिधि सभामा पेस हुनेछ र त्यही दिन पास गर्ने योजना छ। नागरिकताको विषय छिटो टुंग्याउनु जरुरी छ। सम्भव भए यो महिनाभित्रै विधेयक टुंग्याऔँ।”
समितिले पनि छोटो समयमै नागरिकता सम्बन्धी विधेयकलाई टुंगोमा पुर्याएको र असार १४ गते प्रतिनिधि सभाबाट पारित गर्ने तयारी रहेको उल्लेख गर्यो।
गृहमन्त्री लेखकले नेपाल प्रहरी सम्बन्धी कानून संशोधन विधेयकलाई पनि असार महिनाभित्रै समितिबाट पारित गरी सदनमा पेश गर्न वातावरण बनाउन आग्रह गरेका छन्।
समितिमा सोही दिनदेखि प्रहरी सम्बन्धी विधेयकमाथि सैद्धान्तिक छलफल सुरु भएको छ र उनले यो विधेयक सरकारको प्राथमिकतामा रहेको बताए।
© २०२३
सर्वाधिकार सुरक्षित
Design & Developed By:
