खोज

कपिलवस्तु (न्युज बुटवल टुडे), ११ असार
कपिलवस्तु नगरपालिकाको आर्थिक २०८२/०८३ का लागि एक अर्ब २३ करोड ८४ लाख रुपैयाँको आय–व्यय प्रस्तुत गरिएको छ । कपिलवस्तु नगरपालिकामा आयोजित नगरसभाको १८ औँ अधिवेशनमा नगरसभाका उपाध्यक्ष तथा नगरका उपप्रमुख सुनिता गुप्ताले आर्थिक वर्ष २०८२/०८३ का लागि एक अर्ब २३ करोड ८४ लाख रुपैयाँको अनुमानित आयव्यय प्रस्तुत गरेकी छन ।

उनले नगरपालिकालाई सङ्घीय सरकारबाट सशर्त अनुदान ३८ करोड ५५ लाख, वित्तीय समानीकरण अन्तर्गत १८ करोड १७ लाख, राजस्व बाँडफाँटबाट २३ करोड ४९ लाख, आन्तरिक आय २७ करोड ३९ लाख प्राप्त हुने उनले जानकारी दिईन । यसैगरी, राजश्वबाट २७ करोड ९९ लाख, प्राकृतिक स्रोतको बाँडफाँड ३ करोड ५० लाख रुपैयाँ रहने जनाइएको छ । प्रदेश सरकारबाट वित्तीय समानीकरण तीन करोड ७८ लाख ८५ हजार, राजस्व बाँडफाँट एक करोड ४९ हजार, सशर्त अनुदान एक करोड २७ लाख, समपूरक अनुदान एक करोड २० लाख र विशेष अनुदान १७ लाख रुपियाँ प्राप्त हुने उपप्रमुख गुप्ताले बताईन । नगरको सडक बोर्डबाट ६० लाख, आफ्नै आन्तरिक श्रोतबाट तीन करोड ९० लाख, घरजग्गा रजिष्ट्रशेन दस्तुरबाट तीन करोड ५० लाख, प्राकृतिक श्रोतको बाँडफाँडबाट तीन करोड ५० लाख र सामाजिक सुरक्षा कार्यक्रम कार्यक्रम ३० करोड २६ लाख आम्दानी रहने अनुमान गरिएको छ ।

१८ औँ नगरसभामा कपिलवस्तु नगरपालिकाका प्रमुख सुदीप पौडेलले आर्थिक वर्ष २०८२/०८३ को नीति तथा कार्यक्रम प्रस्तुत गरे । नगरसभा मार्फत महिला, बालबालिका तथा ज्येष्ठ नागरिक एवं लैगिंक समानता तथा सामाजिक समावेशीकरण, खानेपानी तथा सरसफाई, संस्थागत विकास तथा सेवा प्रवाह, महिला अपांग तथा जेष्ठ नागरिक, स्वास्थ्य, शिक्षा, युवा तथा खेलकुद, सहकारी, सुरक्षित बैदेशिक रोजगार नीतिलाइ पारित गरेको छ । यस्तै रोजगार सेवा केन्द्र, सामाजिक सुरक्षा तथा पञ्जिकरढा, न्यायिक, उद्यम बिकास, पूर्वाधार बिकास, जिन्सी खरिद दाखिला, सूचना तथा संचार प्रविधि, पर्यटन सम्बन्धी नीति पारित गरेको छ ।

यस्तै, नगरवासीहरुलाई सर्पदंश सेवा र रगत उपलब्ध निशुल्क गराईने महत्वपूर्ण निर्णय पारित गरिएको नगरप्रमुख पौडेलले जानकारी दिए ।कार्यक्रममा नगरसभाका सदस्य तथा वडाध्यक्षहरु, नगरपालिकाका प्रमुख प्रशासकीय अधिकृत, कर्मचारी, पत्रकार लगायत सरोकारवालाहरुको सहभागिता रहेको थियो ।