© २०२३
२८ मंसिर २०८२, आइतबार
२८ मंसिर २०८२, आइतबार
काठमाडौं ।
काठमाडौं महानगरपालिकाको चालू आर्थिक वर्षको बजेट असार १० गतेभित्र सार्वजनिक हुनुपर्ने संवैधानिक बाध्यकारी प्रावधान भए पनि, यस वर्ष उक्त समयमै बजेट प्रस्तुत नहुने निश्चित भएको छ। महानगरका मेयर बालेन्द्र शाह र प्रमुख प्रशासकीय अधिकृत सरोज गुरागाईंबीचको चर्किएको द्वन्द्वका कारण बजेटको तयारी नै प्रभावित भएको हो।
बजेट ल्याउनुअघि अनिवार्य रूपमा बस्नुपर्ने कार्यपालिका बैठक अझैसम्म नबसेको अवस्था छ। मेयरको सचिवालयका एक सदस्यका अनुसार आन्तरिक रूपमा कार्यपालिका र नगर सभा बैठक बोलाउने तयारी भइरहेको भए पनि, मंगलबारका लागि भने कुनै बैठक तय गरिएको छैन।
गत पुस १४ गतेयता नगर सभा बैठक नबसेको र कार्यपालिका सदस्यहरू निरन्तर रूपमा बजेट प्रस्तुत गर्न माग गरिरहेका छन्। यता मेयर र प्रशासकीय अधिकृतबीच समन्वयको अभावले निर्णय प्रक्रियालाई ठप्प पारेको देखिन्छ।
यसैबीच, महानगर भित्रको राजनीतिक तथा प्रशासनिक गतिरोधका कारण बजेट सम्बन्धी संवैधानिक व्यवस्था कार्यान्वयनमा चुनौती देखिएको छ। बजेट कहिले सार्वजनिक हुनेछ भन्ने विषय अझै अनिश्चित छ।
© २०२३
सर्वाधिकार सुरक्षित
Design & Developed By:
