© २०२३
२८ मंसिर २०८२, आइतबार
२८ मंसिर २०८२, आइतबार
काठमाडौँ ।
ऊर्जा, जलस्रोत तथा सिँचाइमन्त्री दीपक खड्काले डेडिकेटेड फिडर र ट्रंकलाइनसँग सम्बन्धित बक्यौता रकम चाँडै संकलन हुने बताएका छन्। सोमबारको संसद् बैठकमा सांसदहरूले उठाएका प्रश्नहरूको जवाफ दिँदै उनले यससम्बन्धी प्रक्रिया अघि बढिसकेको जानकारी गराए।
उनका अनुसार, लामो समयदेखि रोकिएको यो विषय अब निष्कर्षतर्फ अग्रसर भइरहेको छ। प्राधिकरणले नियमअनुसार विद्युत् खपतको हिसाब एकीन गरेर बक्यौता उठाउने प्रक्रिया सुरु गरेको बताउँदै मन्त्री खड्काले सरकारले यसका लागि लाल आयोगको प्रतिवेदनलाई आधार मानी निर्देशन दिएको उल्लेख गरे। अब रकम संकलन कानुनी प्रक्रिया र नियमअनुसार गरिने उनले स्पष्ट पारे।
डेडिकेटेड लाइनका विषयहरू विद्युत् प्राधिकरणको कार्य क्षेत्रभित्र पर्ने भन्दै मन्त्री खड्काले सम्बन्धित निकायले यसलाई प्राथमिकतामा राखी अगाडि बढाइरहेको जानकारी संसदलाई गराए।
© २०२३
सर्वाधिकार सुरक्षित
Design & Developed By:
