© २०२३
२७ मंसिर २०८२, शनिबार
२७ मंसिर २०८२, शनिबार
काठमाडौँ ।
६१ किलो सुन तस्करी प्रकरणमा संलग्न रहेको आशंकामा पक्राउ परेकी अमला रोका काठमाडौँ जिल्ला अदालतमा उपस्थित गराइएको छ। उनको मुद्दा न्यायाधीश बलराम लम्सालको इजलासमा पेश गरिएको हो। सरकारी वकिल कार्यालयमार्फत अदालतमा उपस्थित गराइएकी रोकाको बयान प्रक्रिया अहिले जारी रहेको बताइएको छ।
अदालत स्रोतका अनुसार बयान सकिएपछि आजै थुनछेक सम्बन्धी बहससमेत हुनेछ। यदि बहस पनि आजै टुंग्याइयो भने अदालतले तीनमध्ये कुनै एक आदेश—धरौटीमा छोड्ने, तारेखमा रिहा गर्ने वा पुर्पक्षका लागि कारागार चलान गर्ने—जारी गर्ने सम्भावना रहेको छ।
अमला रोकालाई नेपाल प्रहरीको केन्द्रीय अनुसन्धान ब्युरो (सीआईबी)को टोलीले गत शुक्रबार काठमाडौँको टोखा क्षेत्रबाट पक्राउ गरेको थियो। उनी सोही तस्करी प्रकरणका मुख्य आरोपित, बेल्जियमका नागरिक दावा छिरिङको पत्नी भएको खुलेको छ।
यस प्रकरणमा यसअघि पनि विभिन्न व्यक्ति पक्राउ परिसकेका छन्, र अनुसन्धान अझै जारी रहेको प्रहरीले जनाएको छ।
© २०२३
सर्वाधिकार सुरक्षित
Design & Developed By:
