© २०२३
५ पुष २०८२, शनिबार
५ पुष २०८२, शनिबार
काठमाडौँ ।
राष्ट्रिय स्वतन्त्र पार्टी र राष्ट्रिय प्रजातन्त्र पार्टीले भिजिट भिसा प्रकरणमा गृहमन्त्री रमेश लेखकमाथि छानबिनको माग गर्दै संसद् अवरोधलाई आज पनि निरन्तरता दिएका छन्। प्रतिनिधिसभाको बैठक सुरु हुनु अघि रास्वपाका सांसद असिम साह र राप्रपाका धवलशमशेर राणाले आ–आफ्नो धारणा राख्दै संसद् अवरोध कायमै रहने स्पष्ट पारेका थिए।
उनीहरूको अभिव्यक्तिपछि सभामुख देवराज घिमिरेले बैठकलाई अघि बढाए पनि दुवै दलका सांसदहरू वेल घेरेर नाराबाजीमा उत्रिएका छन्। संसद् सञ्चालनमा अवरोध पु¥याउने यस्ता गतिविधि जेठ १३ गतेदेखि नै दोहोरिइरहेका छन्, जुन दिनदेखि उनीहरूले गृहमन्त्रीमाथि छानबिनको माग गर्दै निरन्तर विरोध जनाइरहेका छन्।
गृहमन्त्री लेखकमाथि भिजिट भिसाको नाममा भएको भनिएको अनियमिततासँग सम्बन्धित आरोपहरू सार्वजनिक भएपछि यो मुद्दाले संसदभित्र र बाहिर चर्चा पाएको छ। सत्ता पक्ष भने गृहमन्त्रीको बचाउमा उभिएको देखिन्छ, जबकि विपक्षी दलहरू छानबिन समिति गठन वा राजीनामाको मागमा अडिग छन्। संसद् अवरुद्ध भइरहँदा जनप्रतिनिधिहरूको भूमिकाबारे पनि विभिन्न कोणबाट बहस हुन थालेको छ।
© २०२३
सर्वाधिकार सुरक्षित
Design & Developed By:
