खोज

बुटवल, ७ असार । बुटवलमा सम्पन्न उजिरसिह क्रिकेट प्रतियोगिता २०८२ को उपाधि वेष्ट्रन क्रिकेट क्लबले चुमेको छ । बुटवल उपमहानगरपालिकाको सहयोग तथा बुटवल क्रिकेट विकास समितिको आयोजनामा शनिबार भएको फाईनलमा वेष्ट्रनले न्यु होराईजन क्रिकेट क्लबलाई ५ विकेटले पराजित गरेको हो । योसंगै वेष्ट्रनले आफनो उपाधि रक्षा गर्न सफल भएको छ । उपाधिसंगै विजेता वेष्ट्रनले नगद ३५ हजार, कप, मेडल, प्रमाणपत्र तथा उपविजेता न्यू होराईजनले नगद १५ हजार, कप, मेडल, प्रमाणपत्रबाट पुरस्कृत भएको छ । प्रतियोगितामा वेष्ट्रनका अभिषेक गौतम सर्वोत्कृष्ट खेलाडी, न्यु होराईजन क्रिकेट क्लबका निश्चल ज्ञवाली उत्कृष्ट ब्याट्सम्यान, बुटवल युथका लक्ष्मण परियार उत्कृष्ट बलर, उदयमान खेलाडी गोलपार्क क्रिकेट क्लबका १० वर्षिय खेलाडी आशुतोष बोगटी घोषित भए । म्यान अफ दी सिरिज ३५००, कप, मेडल, प्रमाणपत्र, उत्कृष्ट बलर, ब्याट्सम्यानलाई नगद २५०० रुपैया, कप, मेडल, प्रमाणपत्रबाट पुरस्कृत गरिएको छ ।

नरेनापुर क्रिकेट खेलमैदानमा टस जितेर न्यू होराईजनले १७.३ ओभरमा सबै बिकेट गुमाएर १०७ रन बनायो । उसका लागि अमर मिश्राले १६, आरिफ खानले ३०, तुल बहादुर थापाले २५ रन जोडे । कम स्कोरमा रोक्न वेष्ट्रनका अभिष्ोक गौतमले ४, सन्देश थापा, अजयकुमार चौहान र सुप्रिम कंडेलले समान २–२ बिकेट लिए ।
मध्यम लक्ष्य पछ्याएको वेष्ट्रन १४.३ ओभरमा ५ बिकेटको नोक्सानीमा लक्ष्य भेटायो । वेष्ट्रनका ओपनर देव खनालले शानदार अर्धसतकिय पारी खेले । उनले २४ बलमा ५३ रन बनाए । यसैगरि प्रज्वल थापाले २३ रन बनाए । न्यू होराईजनका विप्रसन केसीले २ बिकेट लिए । फाईनल खेलमा अभिषेक गौतम प्लेयर अफ दी म्याचबाट पुरस्कृत भए ।

एक समारोहका बिच नगर खेलकुद विकास समिति बुटवलका संयोजक बोनिन पिया, कार्यक्रममा रुपन्देही क्रिकेट संघका कोषाध्यक्ष निरजप्रताप खाड, लुम्बिनी प्रदेश सदस्य प्रथम पराजुली, नेपाल पत्रकार महासंघ रुपन्देहीका उपाध्यक्ष विश्वास ढकाल, नगर समितिका सदस्य सरोज सिह, समितिका कावा अध्यक्ष रोमित बज्राचार्य, समितिका संस्थापक अध्यक्ष गंगाराम सुनार, कार्यक्रममा संयोजक राजु राना, सदस्य भुवन पाण्डेले विजेता, उपविजेता तथा उत्कृष्ट खेलाडीहरुलाई पुरस्कार वितरण गरेका छन ।
कार्यक्रममा नगर खेलकुद विकास समितिका संयोजक बोनिन पियाले स्थानिय सरकार खेलकुद पुर्वाधारमा जोड दिएको बताए । खेलकुदका लागि पुर्वाधारको अभाव रहेको हुदा यसमा जोड दिईएको उनले बताए । नरेनापुर क्रिकेट मैदानको डिपिआरको लागि ५० लाख रुपैया बजेट बिनियोजन गरिएको उनले बताए। खेलकुद विकासकम लागि प्राविधिक पक्षमा समेत जोड दिदै रेफ्रि एम्पायरको तालिम आयोजनाको तयारी रहेको उनले बताए ।