खोज

बुटवल, ७ असार । बुटवलमा सम्पन्न दशौ राष्ट्रिय हाप्किडो प्रतियोगितामा लुम्बिनी प्रदेश च्याम्पियन भएको छ । देविनगरस्थित नबिन औद्योगिक माबिमा भएको दोस्रो दिनको खेलमा लुम्बिनी प्रदेशले २१ स्वर्ण, १८ रजत र ३० कास्य पदक जित्दै टिम च्याम्पियन बनेको हो । सुदुरपश्चिम प्रदेश ११ स्वर्ण, ९ रजत र २३ कास्य पदक जित्दै दोस्रो तथा कोशी प्रदेश ११ स्वर्ण, ४ रजत र १२ कास्य जित्दै तेस्रो स्थान हासिल गरेको छ । प्रतियोगितामा उदयमान खेलाडीका रुपमा हर्क बहादुर कामी, उत्कृष्ट खेलाडी प्रशन्त श्रेष्ठ (१४), उत्कृष्ट खेलाडी मिग्मा गुरुङ (यु १८), अनुशासित खेलाडीमा हर्क कामी र अंकिता जिएम कोशी तथा उत्कृष्ट रेफ्रि पुरुष बिशाल थापा र महिला रुपा बुढामगर घोषित हुदै पुरस्कृत भए ।

एक समारोहका बिच राष्ट्रिय खेलकुद परिषदका उपाध्यक्ष ध्रुव आचार्यले विजेता, उपविजेता तथा उत्कृष्ट खेलाडीहरुलाई पुरस्कार वितरण गर्दै ब्यवसायिक खेलकुदमा जोड दिए । अन्तराष्ट्रिय मार्शल आर्टलाई नेपालमा नया स्वरुपमा हाप्किडो भित्राउने कामलाई निरन्तरता दिन जरुरी रहेको उनले बताए । खेलाडी, प्रशिक्षक, खेल संस्थाको पक्षमा राखेप सधै उभिने बताए । विकास र प्रगतिमा आलोचना जरुरी रहने भन्दै उनले उनले बताए । ‘स्कुल टु ओलम्पिक’ को अवधारणा बोकेर राखेप अघि बढको भन्दै उनले खेलाडी र खेल क्षेत्रको विकासमा विद्यालयस्तरको खेलको अग्रसरता जरुरी रहने बताए । यसैगरि आगामी वर्षबाट मदन भण्डारी स्पोर्टस एकेडेमीमार्फत राष्ट्रिय प्रतियोगिता संचालन गरिने उनले प्रतिवद्घता जनाए ।

मार्शल आर्ट खेललाई प्रवद्घन र खेलाडीहरुलाई प्रोत्साहन गर्ने उदेश्यका साथ दशौ संस्करणसम्म कार्यक्रम सम्पन्न भएको नेपाल हाप्किडो संघका संस्थापक तथा अध्यक्ष काली बहादुर घर्तीमगरले बताए । हाप्किडो खेललाई ग्रामिण क्षेत्रमा लगिरहेको उनले बताए । केवल खेलको मात्र नभई समाज र देश बनाउन समेत खेलकुद सहायक हुने उनले बताए । अब विद्यालय च्याम्पियनसिप दाङमा गर्ने तयारीका बारेमा समेत उनले जानकारी दिए । सेल्फ कन्फिडेन्स र सेल्फ डिफेन्स महत्वपुर्ण रहने बताए ।

कार्यक्रममा राखेपका सदस्य हिमाल श्रेष्ठले खेल र खेलाडीको हित हुने गरि निति ल्याउन चाहेको बताए । बजेटमा समेत खेलकुद प्राथमिकतामा परेको भन्दै उनले सरकारको विशेष सोचमा रहेको बताए । बालबालिकाहरुलाई खेलकुदमा अग्रसर गराउन सकेमात्र राष्ट्रिय खेलाडी उत्पादन हुने उनले तर्क दिदै ३ तहकै सरकारको लगानी गर्न सुझाव दिए ।

कार्यक्रममा संघका केन्द्रिय कोषाध्यक्ष विजया वाईवा, नेपाल हाप्किडो संघका केन्द्रिय उपाध्यक्ष देव बहादुर कुवँर, नेपाल खेलकुद पत्रकार मंच रुपन्देहीका अध्यक्ष सुमन अधिकारी, वरिष्ठ एथ्लेटिक्स प्रशिक्षक मोहन घलेले लगायतले शुभकामना दिए । प्रतियोगितामा सातै प्रदेशका ५ सय खेलाडीहरुले विभिन्न खेल विधामा भाग लिएका छन ।