© २०२३
६ पुष २०८२, आइतबार
६ पुष २०८२, आइतबार
काठमाडौं ।
स्कटल्यान्डमा जारी त्रिदेशीय टी–२० अन्तर्राष्ट्रिय क्रिकेट शृङ्खलामा नेपाल आज अन्तिम खेल घरेलु टोली स्कटल्यान्डसँग खेल्दैछ। खेल ग्लास्गोमा नेपाली समयअनुसार बेलुका पौने ८ बजे सुरू हुनेछ। यसअघि हिजो सम्पन्न खेलमा नेपालले नेदरल्यान्ड्सलाई उत्कृष्ट प्रदर्शन गर्दै ६ विकेटले पराजित गरेको थियो।
त्रिदेशीय शृङ्खलामा नेपाल, स्कटल्यान्ड र नेदरल्यान्ड्सबीच डबल राउन्ड रोबिन आधारमा प्रतिस्पर्धा भइरहेको छ। नेपालले पहिलो खेलमा नेदरल्यान्ड्ससँग संघर्षपूर्ण भिडन्तमा तेस्रो सुपर ओभरमा हार व्यहोरेको थियो। तर दोस्रो खेलमा नेपालले स्कटल्यान्डलाई दुई विकेटले हराउँदै महत्वपूर्ण जित निकालेको थियो।
हालसम्म नेपाल तीन खेलबाट चार अङ्कसहित शृङ्खलाको शीर्ष स्थानमा छ। नेदरल्यान्ड्सले चार खेलबाट चार अङ्क जोडेको छ भने स्कटल्यान्ड तीन खेलबाट दुई अङ्कसहित तेस्रो स्थानमा रहेको छ। आजको खेल निर्णायक बन्न सक्नेछ, किनभने शीर्ष स्थान कायम राख्न नेपाललाई जीत आवश्यक हुनेछ, र अन्तिम नतिजाले शृङ्खलाको विजेता तय गर्नेछ।
© २०२३
सर्वाधिकार सुरक्षित
Design & Developed By:
