काठमाडौँ, ७ असार ।
नेकपा माओवादी केन्द्रले सरकारले सांसदलाई हेपेको आरोप लगाएका छन् । माओवादी केन्द्रका प्रमुख सचेतक हितराज पाण्डेले समय लिँदै सो आरोप लगाएका हुन् । संसद्मा प्रतिपक्षी दलले अवरोध गर्दागर्दै संसद् चलाइएको प्रसङ्ग उल्लेख गर्दै उनले सरकारका मन्त्रीको उपस्थिति बिना नै संसद् चलाएको भन्दै आपत्ति जनाएको हुन् ।
‘मन्त्री बिना नै विनियोजन विधेयक माथि छलफल सुरु गरिएको छ, सरकारले संसद्को नियम पालना गर्नु पर्दैन, सम्बन्धित मन्त्रीले संसद्को नियमावलीमा पालना गर्न पाउँदैन, बजेट किताब पनि समयमा दिइएको छैन, यस्तो अवस्थामा हामी छलफलमा छौँ,’ उनले भने, ‘नियमावली हामीले मात्रै मान्नु पर्ने, सरकारले नियमावली मान्नु पर्दैन, त्यसैले सरकारको उपस्थिति बेगर यो संसद् चल्दैन सक्दैन ।’ उनका अनुसार मन्त्री उपस्थित नभएकाले सम्बन्धित मन्त्रालयमा बहस हुन सक्दैन ।
सो अघि नेपाली काँग्रेसका सांसद राम हरी खतिवडाले पनि सोही विषय उठाएका थिए । मन्त्री नभएकाले सो मन्त्रालयका बारेमा छलफल हुन नसक्ने भन्दै सभामुखको ध्यानाकर्षण गराएका थिए । त्यसपछि सरकारले युवा तथा खेलकुद मन्त्रालय र महिला, बालबालिका ज्येष्ठ नागरिक मन्त्रालयका मन्त्री उपस्थित नभएको जनाउँदै दुई मन्त्रालयको बजेटमा छलफल नहुने जानकारी गराएका छन् ।
३ पुष २०८२, बिहीबार
