© २०२३
२८ मंसिर २०८२, आइतबार
२८ मंसिर २०८२, आइतबार
अर्घाखाँची, ०६ असार ।
भूमिकास्थान नगरपालिका वडा नं। १ र २ मा पर्ने प्रमुख व्यापारिक केन्द्र पिपलनेटा बजारको ढलान सडक निर्माण कार्य सम्पन्न भई बिहीबार औपचारिक रूपमा उद्घाटन गरिएको छ । लुम्बिनी प्रदेश सरकार अन्तर्गत सहरी विकास मन्त्रालय र भूमिकास्थान नगरपालिकाको संयुक्त लगानीमा निर्माण सम्पन्न उक्त सडकको उद्घाटन भूमिकास्थान– २ का वडाध्यक्ष बुद्धि बहादुर थापाले रिबन काटेर गरे ।
उद्घाटन समारोहमा बोल्दै वडाध्यक्ष थापाले समग्र भौतिक पूर्वाधारको विकासले गाउँमा विकासको लहर ल्याएको बताए । उनले विकास गाउँमा पसिसकेको भए पनि जनसङ्ख्या भने सहरतिर पलायन भइरहेकोप्रति गम्भीर चिन्ता व्यक्त गरे । “अब विकास गाउँ पसिसकेको छ, तर मान्छेहरू सहर पस्न खोजिरहेका छन्, यो विकृति हो,” वडाध्यक्ष थापाले भने, “हामीले सोच र व्यवहारमा परिवर्तन ल्याएर गाउँमै समृद्धिको आधार तयार गर्नुपर्छ ।”
उनले गाउँमा नै रोजगारी, उत्पादन र अवसर सिर्जना गर्न सकिने सम्भावना रहेको उल्लेख गर्दै युवालाई सकारात्मक सोचका साथ गाउँमै टिक्न प्रेरित गर्नुपर्नेमा जोड दिए ।
© २०२३
सर्वाधिकार सुरक्षित
Design & Developed By:
