खोज

दाङ, ५ असार । घोराही उपमहानगरपालिका र स्थानिय संघसंस्थाहरुको अगुवाईमा प्लाष्टिक बिस्थापित गर्ने अभियान थालिएको छ । अभियानलाई साथ दिने गरि मानव कल्याण तथा वातावरण संरक्षण केन्द्र दाङको ३४ औं स्थापना दिवसका अबसरमा गृहणीहरुलाई तरकारी झोला बितरण गररेको छ ।

कार्यक्रममा घोराही उपमहानगरपालिका वडा नम्बर १५ का अध्यक्ष रमेशकुमार पाण्डेले वातावरण प्रदुषणका कारण क्यान्सर, मृगौला र मुटुका बिरामी बढेको भन्दै यसको न्युनिकरणको अभियानमा सबैको साथ जरुरी रहेने बताए । जटिल रोगको उपचारमा सरकारले सुबिधा दिने भएकाले वडा कार्यालयबाट सिफारिस लिन आउनेहरू दिनदिनै भिड हुने गरेको उनले बताए । वातावरणलाई हामीले समयमा सचेत भएनौ भने भोलीका सन्ततिलाई बचाउन कठिन हुने भन्दै सामुहिक समस्यालाई सबैले हातेमालो गरेर सोचलाई परिवर्तन गर्नुपर्ने आग्रह गरे ।

घोराही उपमहानगरपालिका वातावरण तथा बिपत ब्यवस्थापन प्रमुख मदनकुमार वलीले प्लास्टिकजन्य बस्तुमा रोक लगाउने निर्णय गरेको बताए । वातावरण संरक्षणका लागि घोराही उपमहानगरपालिकाले काम गरिरहेको उल्लेख गरे । सबै संघ सस्थाको सहयोगमा काम गर्न सकिने बताए । ‘घुलो र धुवाँले नियन्त्रण गर्नुपर्ने छ ।’–उनले भने । पालिकाको एक घर एक रुखको अभियान अनुरुप सबै नागरिकहरु कार्यान्वनमा जोड दिन उनले आग्रह गरे ।

सस्थाका उपाध्यक्ष कुमारराज श्रेष्ठले मानव हितको काम हुदा पनि यसमा सबैको साथ सहयोग निरन्तर जरुरी रहेको बताए । पदूषण रोक्नका लागी वातावरण संरक्षण महत्वपूर्ण हुने उनको तर्क छ । ‘परिवर्तन आफैंबाट सुरु गरौ पलास्टिक प्रयोगलाई कम गरौं ।’–उनले भने ।

मानव कल्याण तथा वातावरण संरक्षण केन्द्रका कार्यकारी निर्देशन प्रदीप मजगैयाले १५ जिल्लामा कार्यक्रम गरेको बताए । देउखुरीका बिकटमा काम गरेको र राजपुर गाउँपालिकामा कार्यक्रम चलिरहेको बताए । सस्थाले बिपत्तमा परेका नागरिकलाई सहयोग गर्ने काम गरेको बताए । प्लास्टिक झोला प्रयोगलाई निरुत्साहित गर्ने अभियान संचालन गरेको बताए ।
संस्थाका निबर्तमान अध्यक्ष भरतराज देवकोटाले प्लास्टिकको झोलाको साटो कपडाको झोला प्रयोग गर्नका लागी जनपरिचालन गर्नुपर्ने, टोलबिकासका पदाधिकारीसंग समन्वय गरेर काम थाल्नुपर्ने बताए ।

नेपाल परिवार नियोजन संघका प्रबन्धक बसन्त खनाल, निर्वतमान अध्यक्ष निर्मला गौतम, भोला अधिकारी, पत्रकार केपी घिमिरे, पूर्व अध्यक्ष एंव निबर्तमान सल्लाहकार किरण रेग्मीले प्लास्टिक प्रदुषण न्यूनीकरण गर्ने अभियानमा साथ दिने प्रतिबद्धता व्यक्त गरे ।