© २०२३
२१ मंसिर २०८२, आइतबार
२१ मंसिर २०८२, आइतबार
काठमाडौँ ।
बुधबारको सेयर बजारमा कारोबार रकम उल्लेखनीय रूपमा बढेको भए पनि नेप्से परिसूचकमा सामान्य गिरावट देखिएको छ। नेप्से १.०७ अंकले घटेर २६५३ अंकमा झरेको हो।
अघिल्लो दिनको तुलनामा कारोबार रकम १८ प्रतिशतले वृद्धि भएको छ। मंगलबार ७ अर्ब ६५ करोड रुपैयाँको कारोबार भएको थियो भने आज कारोबार रकम ९ अर्ब ८ करोड रुपैयाँ पुगेको छ।
कुल ८८ कम्पनीको सेयर मूल्यमा वृद्धि भयो भने १५९ कम्पनीको मूल्य घट्यो, एक कम्पनीको मूल्य स्थिर रह्यो।
समूहगत सूचकको हिसाबले बजारमा मिश्रित प्रवृत्ति देखिएको छ। हाइड्रोपावर, जीवन बीमा, उत्पादन तथा प्रशोधन, र अन्य समूहमा सामान्य वृद्धि देखिएको छ भने बैंकिङ, विकास बैंक, होटल तथा पर्यटन, फाइनान्स, माइक्रोफाइनान्स, निर्जीवन बीमा र व्यापार समूहमा गिरावट आएको छ।
दुई कम्पनी—पियोर इनर्जी र जोशी हाइड्रोपावरको मूल्यमा १० प्रतिशतको उच्च बृद्धि देखिएको छ, जुन आजको बजारमा सबैभन्दा उल्लेखनीय हो।
कुल मिलाएर कारोबारको संख्यात्मक पक्ष उत्साहजनक देखिए पनि परिसूचकमा कमजोरी देखिनु बजारमा लगानीकर्ताको मनोविज्ञान अझै अलमलमा रहेको संकेत मानिएको छ।
© २०२३
सर्वाधिकार सुरक्षित
Design & Developed By:
