© २०२३
२८ मंसिर २०८२, आइतबार
२८ मंसिर २०८२, आइतबार
काठमाडौँ ।
राष्ट्रिय परीक्षा बोर्डले यस वर्षको माध्यमिक शिक्षा परीक्षा (एसईई) को नतिजा असार तेस्रो सातामा सार्वजनिक गर्ने तयारी गरेको छ। बोर्डका अनुसार नियमित तालिका अनुसार नतिजा असारको पहिलो सातामै आउने थियो, तर शिक्षकहरूको २९ दिन लामो आन्दोलनका कारण उत्तरपुस्तिका परीक्षण ढिलो भएको र त्यसैले नतिजा पनि ढिलो हुन लागेको हो।
परीक्षा नियन्त्रक डा. गणेशप्रसाद भट्टराईले शिक्षकको आन्दोलन र परीक्षण प्रक्रियाको ढिलाइले नतिजा प्रभावित भएको जानकारी दिए। ‘शिक्षकहरूले २९ दिन आन्दोलन गर्नुभयो, दुई दिन आउजाउमै गयो। अब तेस्रो साताभन्दा अगाडि नतिजा सम्भव छैन,’ उनले भने।
हाल उत्तरपुस्तिका परीक्षण अन्तिम चरणमा पुगेको र कर्मचारीहरू बिहानदेखि बेलुकासम्म खटिएर काम गरिरहेको उनले बताए। केही केन्द्रमा अझै परीक्षण बाँकी रहेको भए पनि छिट्टै सकिने र त्यसपछि इन्ट्री तथा रुजु प्रक्रिया गरेर त्रुटिरहित नतिजा सार्वजनिक गरिने जानकारी दिएका छन्।
यस वर्षको एसईई परीक्षा २०७९ चैत ७ गतेदेखि सञ्चालन भएको थियो। परीक्षामा ४ लाख ३१ हजार ४६६ जना नियमित तथा ६७ हजार ७१५ जना ग्रेडवृद्धिका गरी कुल ४ लाख ९९ हजार १८३ विद्यार्थी सहभागी भएका थिए।
© २०२३
सर्वाधिकार सुरक्षित
Design & Developed By:
