खोज

बुटवल, २ असार । दशौ राष्ट्रिय हाप्किडो प्रतियोगिता २०८२ बुटवलमा हुने भएको छ । सोमबार बुटवलमा पत्रकार सम्मेलन गरि असारको ५–७ गते दशौ संस्करणको प्रतियोगिताको तिब्र तयारी भैरहेको कार्यक्रम संयोजक काली बहादुर घर्तीमगरले बताए । बहुप्रतिभाशाली मार्सल आर्टका रुपमा यो खेल चिनिदै आएको भन्दै उनले यो खेलको प्रचारप्रसार र विकासमा आफु लागेको बताए । ‘यो सेमी कन्ट्याक्ट मार्शल आर्ट खेल हो ।’– उनले भने । देशका सात वटै प्रदेशमा गरि कुल ८० हजार खेलाडीहरु आवद्ध छन । हाल २१०० स्कुलमा यो खेल प्रशिक्षण हुदै आएको उनले दाबी गरे । साफ च्याम्पियनसिप र वल्र्ड च्याम्पियसिप लगायत अन्तराष्ट्रिय प्रतियोगितामा समेत यो खेलबाट उपलब्धि हासिल गरेको उनले बताए । देविनगरस्थित नबिन औद्योगिक माबिमा प्रतियोगिता हुनेछ ।

कार्यक्रममा रुपन्देही जिल्ला हाप्किडो संघका अध्यक्ष भुमलाल श्रेष्ठले प्रतियोगिता अन्तरगत फाईटिङमा पुरुष र महिलातर्फ विभिन्न तौल, उमेर, बेल्ट समुह, क्याडेट, जुनियर, सिनियर डिभिजन, यसैगरि सेल्फ डिफेन्समा ब्यक्तिगत तथा टिम स्पर्धा तथा हाई फल÷लङ फलमा उचाई र दुरीअनुसारका प्रदर्शनका ईभेन्टहरु हुने बताए । प्रतियोगितामा पाच सय खेलाडीहरु सहभागी हुने उनले बताए । रुपन्देहीमा ५ सय बढी खेलाडीहरु यो खेल सिक्दैछन ।

कार्यक्रममा लुम्बिनी प्रदेश हाप्किडो संघका उपाध्यक्ष चन्द्र कुमारी थापा, रुपन्देही जिल्ला हाप्किडो संघका सचिव बसन्ता जिसी, रुपन्देही जिल्ला हाप्किडो संघका सदस्यसचिव रबिन श्रेष्ठले प्रतियोगिता सफलता बनाउन सबैको साथसहयोग जरुरी रहने बताए । ३ दिनसम्म चल्ने प्रतियोगितामा करीब ३० लाख रुपैया खर्च हुने अनुमान आयोजकको छ । यसअघिको नवौ संस्करण सुर्खेतमा आयोजना गरिएको थियो ।