© २०२३
६ पुष २०८२, आइतबार
६ पुष २०८२, आइतबार
काठमाडौं ।
नाडा अटोमोबाइल्स एसोसिएसन अफ नेपाल (नाडा)ले भदौ ३ देखि ८ गतेसम्म काठमाडौंको भृकुटीमण्डपमा आयोजना हुने १७औं नाडा अटो शोको उद्घाटनका लागि उपप्रधान एवं अर्थमन्त्री विष्णु पौडेललाई औपचारिक निमन्त्रणा दिएको छ।
अध्यक्ष करण चौधरीको नेतृत्वमा गएको नाडा प्रतिनिधिमण्डलले असार १ गते अर्थमन्त्री पौडेलसँग भेट गर्दै प्रमुख अतिथिका रूपमा शो उद्घाटन गरिदिन अनुरोध गरेको थियो।
भेटघाटका क्रममा अध्यक्ष चौधरीले यस वर्षको बजेट अटोमोबाइल क्षेत्र तथा समग्र निजी क्षेत्रमैत्री रहेको भन्दै सकारात्मक प्रतिक्रिया जनाए। उपाध्यक्ष राजनबाबु श्रेष्ठले सिमरामा पहिलो सवारी साधन निर्माण उद्योग खोल्ने तयारी भइरहेको जानकारी दिँदै यस्तो उद्योगलाई प्रोत्साहन गर्ने नीतिगत सहयोग आवश्यक रहेको धारणा राखे।
अर्थमन्त्री पौडेलले शो उद्घाटन गर्न सहर्ष तयार रहेको जनाउँदै अटोमोबाइल क्षेत्रले सरकारलाई उल्लेखनीय राजस्व योगदान दिँदै आएको उल्लेख गरे।
छलफलमा महासचिव सुरेन्द्रकुमार उप्रेती, सचिव विक्रम सिंहानिया, कोषाध्यक्ष मिलनबाबु मल्ल, सहकोषाध्यक्ष पंकज अग्रवाल र एशोसिएशन सचिव सुरेन्द्र प्रधानको पनि सहभागिता थियो।
© २०२३
सर्वाधिकार सुरक्षित
Design & Developed By:
