© २०२३
२ पुष २०८२, बुधबार
२ पुष २०८२, बुधबार
काठमाडौँ ।
राष्ट्रिय स्वतन्त्र पार्टी (रास्वपा)का प्रमुख सचेतक सन्तोष परियारले नेकपा (माओवादी केन्द्र)माथि दुई बुँदे सहमतिको नाममा प्रतिपक्षी दलहरूलाई धोका दिएको आरोप लगाएका छन्।
सभामुख देवराज घिमिरेले बोलाएको प्रमुख सचेतकहरूसँगको छलफलपछि सञ्चारकर्मीहरूसँग बोल्दै परियारले भिजिट भिसा र अध्यागमनसम्बन्धी विषयमा माओवादी केन्द्रले गरेको सहमति झारो टार्ने प्रयोजनका लागि मात्र भएको टिप्पणी गरे।
उनले सरकारलाई मानव बेचबिखन जस्तो गम्भीर मुद्दामा संवेदनशील नभएको भन्दै आलोचना गरे। रास्वपाले सुशासन कायम गर्नका लागि आवाज उठाउँदा पनि कुनै सुनुवाइ नभएको गुनासो उनले गरे।
गृहमन्त्रीको राजीनामा मागबारे पार्टी आफ्नो अडानबाट पछि नहटेको स्पष्ट गर्दै परियारले संसद्मा देखिएको अवरोधबारे रास्वपा जिम्मेवार रहेको बताए।
उनका अनुसार, पार्टीले अघि सारेका पाँच बुँदामा सहमति र एक उच्चस्तरीय छानबिन समिति गठन नभएसम्म संसद् सञ्चालन हुन नसक्ने अवस्था रहन्छ।
© २०२३
सर्वाधिकार सुरक्षित
Design & Developed By:
