खोज

कपिलवस्तु, ३० जेठ ।

कपिलवस्तुको महाराजगंज नगरपालिकामा स्थानीय स्तरमा स्वरोजगार र उद्यमशीलता प्रवद्र्धन गर्ने उद्धेश्यका साथ ११ जना उद्यमीलाई व्यवसाय प्रवद्र्धनका लागि सामग्री हस्तान्तरण गरिएको छ । दलित सामाजिक विकास केन्द्र र आईएम स्विडस डेभलप्मेन्ट पार्टनरको को संयुक्त साझेदारीमा सञ्चालित ‘हाम्रो शक्ति’ परियोजना अन्तर्गत महराजगंज नगरपालिकाको वडा नं. २, ३ र ८ का उद्यमीलाई सामाग्री हस्तान्तरण गरिएको हो । उनीहरुलाई व्यवसायको प्रकृती अनुसारको खुद्रा पसलका सामान, वेल्डिङ मेशिन, चाट फुल्की व्यापार सेट, साइकल मर्मत उपकरण, स्टेशनरी सामान, चिया–नास्ता पसल सामग्री, तरकारी खेतीका लागि सिँचाइ मोटर र दुग्ध व्यवसायमा प्रयोग हुने दूध एनालाइजर मेशिन जस्ता सामग्री नगर प्रमुख अब्दुल कलाम खाँले हस्तान्तरण गरेका थिए ।

बेल्डिङ गर्ने सिप भए पनि मेसिन अभावले सिपको उपभोग गर्न नपाई रहेकोमा बेल्डिगं मेसिन प्राप्त भए पछि त्यसलाई आज आर्जन सँग जोड्ने उद्यमी राजमति लोहारले बताइन् । अब आफु आत्म निर्भर भएर व्यवसाय प्रवद्र्धन गर्ने उनले जानकारी दिइन् । त्यसै गरी खुद्रा पसलको सामग्री पाएकी उद्यमी निलम कुर्मीले सामग्रीको सदुपयोग गर्दै बचत र लगानी बृद्धि गर्ने बताइन् ।

गैर सरकारी संघ संस्था समन्वय शाखा प्रमुख सलमान खानले उद्यमीलाई दिइएको सामग्रीले सशक्तिकरण र स्वरोजगार बन्न सहयोग पुग्ने बताए । समाजसेवी राम अचल कुर्मीले उद्यमीले पाएको सामाग्रीले उनीहरुमा स्वरोजगार र आयआर्जनको सुनिश्चितता गर्ने बताए ।

साना व्यवसाय सञ्चालन गर्न श्रोत अभावले सिप प्रयोग गर्न नपाएका उद्यमीका लागि सामग्री सहयोगले सिप सदुपयोगको संभावना जुराएको हाम्रो शक्ति परियोजनाकी संयोजक धनकुमारी चौधरीले बताइन् । यस्ता उपयोगी सहयोगका कार्यक्रमहरूले स्थानीय तहमा आत्मनिर्भरता र स्वरोजगार सृजनामा महत्वपूर्ण भूमिका खेल्ने महाराजगंज नगरपालिकाका नगर प्रमुख अब्दुल कलाम खाँले बताए ।

‘हाम्रो शक्ति’ परियोजनाले स्थानीय आर्थिक सशक्तिकरण, स्वरोजगार प्रवद्र्धन र सामाजिक समावेशीतामा उल्लेखनीय योगदान पु¥याएको अन्य उद्यमीहरुको भनाई थियो ।