© २०२३
२८ मंसिर २०८२, आइतबार
२८ मंसिर २०८२, आइतबार
बुटवल, २९ जेठ । राष्ट्रिय शैक्षिक परामर्श संघ लुम्बिनी प्रदेशको आयोजनामा एनईसिए लुम्बिनी ईन्टर–कन्सल्टेन्सी ईन्डोर क्रिकेट कप प्रतियोगिता हुने भएको छ । परामर्शदाता बिचमा भातृत्व विकास हुने गरि प्रतियोगिता गर्न लागेको हो ।
विहिबार बुटवलमा पत्रकार सम्मेलन गरि जेठ ३० र ३१ गते हुने प्रतियोगिताको सबै तयारी पुरा भएको संघका अध्यक्ष गणेश पौडेलले बताए । परामर्शदाताहरु बिचमा खेलमार्फत भातृत्व विकास गर्ने उदेश्यका साथ प्रतियोगिता गर्न लागेको उनले बताए । प्रतियोगिताको टिम दर्ता, स्पोन्सर लगायतका सबै तयारी पूरा भएको उनले बताए ।
लुम्बिनी क्रिकेट एरिनामा हुने प्रतियोगितामा ३६ टिमले प्रतिस्पर्धा गर्ने खेल संयोजक दुर्गा पन्थीले बताए । ईण्डोर खेल ६ ओभरको हुने प्रतियोगितामा उपाधि विजेता टिमले नगद २५ हजार र उपविजेता टिमले नगद १५ हजार, कप, मेडल, प्रमाणपत्रबाट पुरस्कृत गरिने उनले बताए । यसैगरि विधागत सर्वोत्कृष्ट खेलाडी २५ सय र उत्कृष्ट ब्याट्सम्यान र बलरलाई १५ सय रुपैया, कपबाट पुरस्कृत गरिने उनले बताए ।
कार्यक्रममा सचिव नारायण पोखरेलले डेढ लाख खर्च हुने अनुमान रहेको प्रतियोगितालाई विभिन्न दाताहरुबाट सहयोग भएको बताए ।
© २०२३
सर्वाधिकार सुरक्षित
Design & Developed By:
