खोज

नवलपरासी, २९ जेठ ।
दशकौँ देखि स्थानीयले माग गर्दै आएको खजुरा खोलामा पचफेडा स्थित पुल निर्माणको माग जिल्लाको प्रतापपुर गाउँपालिकाले पुरा गर्ने भएको छ । सरावल गाउँपालिकालाई समेत जोड्ने उक्त पुलको शिलान्यास गर्दै स्थानीयको माग सम्बोधन गरिएको गाउँपालिका अध्यक्ष उमेश चन्द्र यादवले बताएका हुन् । स्थानीयवासीले विगत चार दशक देखी नै उक्त क्षेत्रमा पुल निर्माणको माग गर्दै आएका थिए । तर विगतका मन्त्री सांसद समेतले चुनावमा आश्वासन मात्रै दिँदै आएको भए पनि निर्वाचन पश्चात् विर्सर्ने अवस्था देखिँदै आएको थियो ।

आफू स्थानीय चुनावमा सो क्षेत्रमा आउँदा पनि स्थानीयवासीले सोही माग दोह¥याएका थिए । आफूले दिइएको आश्वासन अहिले पुरा गर्न पाइएको छ, उनले भने, जनतामा विश्वास समेत जागृत भएको छ । यस क्षेत्रमा विगत र वर्तमानमा पनि नामुद नेताहरू छन्, तर जनतालाई बुझ्ने नेता नभएको स्थानीयले बताएका थिए । अहिले गाउँपालिकाकै पहलमा भए पनि पुल बन्ने भए पछि स्थानीयमा उत्साह थपिएको छ । बाढीको बेला पचफेडा गाउँ पानीको घेरा भित्र पर्ने अवस्था हुन्थ्यो, उनले भने, पुलको निर्माण भए पनि महेशपुर त्रिवेणी सडकसँग जोडिने छ ।

पुल नहुँदा बाढीको बेला उद्धारमा खटिने पचफेडामै रहेको प्रहरी चौकी नै घेरामा पर्दा उद्धार गर्नु भन्दा उद्धार खोज्नु पर्ने अवस्था हुन्थ्यो । जुन समस्या अहिले पुलले समाधान दिइने उनको भनाइ थियो । १५ मिटर लामो र ५ मिटर चौडाइको उक्त बक्स कलभर्ट पुल निर्माण गरिने गाउँपालिकाका इन्जिनियर आनन्द यादवले बताएका थिए । १ करोड ४० लाख ७३ हजारको लागतमा ईश्वर त्रिरत्न जेभि गँगा ८ अर्घाखाँचीले निर्माणको लागि ठेक्का लिइएको छ । उतm पुल २०८३ साल जेठ मसान्तसम्ममा सम्पन्न गर्नु पर्नेछ । गण्डक डुबान क्षेत्रमा पर्ने उक्त खोला र पुलको निर्माणले स्थानीयमा राहत पुग्ने अध्यक्ष यादवको भनाई थियो ।